11 nyied 11 hauh, Aen Donz- lwnhgangj Swcigih Hagsib Gvancez Gij Cingsaenz Ngeihcib Daih Dangj daengz Hocouh Si、 Bwzhaij Si、Gveilinz Lijyouz Yozyen caeuq Gvangjsih Hungzgvei Swhbwnj Yin- yingz Cizdonz Youjhan Cwzyin Gunghswh lwnhgangj. Gyoengqboux cwngzyenz donzlwnhgangj dawz aen baugau Ngeihcib Daih Dangj raeuz gejdoeg cingcuj, hawj vunz yungzheih roxyiuj, lij giethab gak dieg gak danhvei saedsaeh, dazyinx dangjyenz ganbu caencaen cingqcingq dawz swhsiengj caeuq hengzdoengh doengjit daengz gwnz cingsaenz Ngeihcib Daih Dangj raeuz daeuj, haenqrengz hai- cauh yienghmoq gak hangh saehnieb.

Gaengawq Swcigih Dangjveij Senhconzbu anbaiz, Aen Donz- lwnhgangj Swcigih Hagsib Gvancez Gij Cingsaenz Ngeihcib Daih Dangj aeu daengz laeb gih si、gihciz gihgvanh、daihhag hagdangz、gihciz giyez caeuq “song moq” cujciz daengj gyonjcomz lwnhgangj 50 ciengz. 11 nyied 7 hauh banhaet, ciengz lwnh- gangj nduj youq Namzningz banh, daengz seizneix, gyoengqboux cwngz- yenz donzlwnhgangj faenbied daengz gak dieg lwnhgangj gij cingsaenz Ngeihcib Daih Dangj raeuz, daiq- doengh daengx gih ganbu ginzcung hagsib gvancez gij cingsaenz Ngeihcib Daih Dangj hoengh hwnjdaeuj.

Donzlwnhgangj bangcoengh gyoengq dangjyenz ganbu ginzcung haeujlaeg roxyiuj gij cingsaenz Ngeihcib Daih Dangj raeuz, daihgya cungj naeuz, aeu roengzrengz hagsib gaemdawz gij cingsaenz Ngeihcib Daih Dangj, aeu haenqrengz gaenx- maenx bae guhhong, dawz gij muzbyauh yinvu Ngeihcib Daih Dangj raeuz daezok haenx guhbaenz bae.

(Bonj bauq cunghab raiz/本报综合消息)