11 nyied 3 hauh daengz 5 hauh, Swcigih Dangjveij suhgi、Swcigih Yinzda Cangzveijve cujyin Liuz Ningz daengz Bwzswz Si Lingyinz Yen、Lozyez Yen、Dwzbauj Yen caeuq Denzdungh Yen, diuyenz gij hongsaeh cienzmienh doicaenh guh- hoengh lajmbanj、doidoengh ginghci ndaw yienh hwnfat ndeindet daengj. De daegbieg gangj daengz, yaek laegdaeuq roxyiuj “song aen dingh- laeb” cij bauj baenzsaeh, baenzbaenz cungj guhdaengz “song aen henhoh”，yaek haeujlaeg hagsib lwnhrox gvancez gij cingsaenz Ngeihcib Daih Dangj raeuz, nyinhcaen hagsib gvancez gij iugouz youqgaenj “haj aen engqlai”youz Siz Ginbingz cungjsuhgi daezok haenx, haeujlaeg gvancez doeksaed gij cingsaenz vah youqgaenj “4·27” Siz Ginbingz cungjsuhgi cazyawj Gvangjsih seiz gangjdaengz caeuq gij cijsi youq- gaenj baenzroix Siz Ginbingz cungj- suhgi vix raeuz guh hong Gvangjsih, ciuq gij gezcwz baijbouh Dangj- cunghyangh caeuq Aen Hoih Daengxcungq Baez Daihseiq Gaiq Cibngeih Swcigih Dangjveij dungjyiz anbaiz, aeu Bwzswz gaij digih baenz si ndaej ngeihcib hopbi guh giz hwnjdin moq, daih cienz gij conz- dungj maenhndei baez Gijyi Bwzswz, giendingh saenqsim、caezsim caezhoz, ngaem gyaeuj buekguh、 caen ca saed guh, gyamaenh gya’gvangq gij cwngzgoj haenqrengz duetgungz, cienzmienh doicaenh guhhoengh laj- mbanj, roengzrengz doidoengh gingh- ci ndaw yienh hwngfat ndeindet, vih haenqrengz raiz bien faenzcieng Gvangjsih yendaiva yiengh Cungguek lai okrengz.

（Cinz Yizcwz）