10 nyied 27 hauh, youq Aen Dieggiek Ginhciuh Maksahdangzgiz Cejginz laeng Bwzswz Si Denzyangz Gih Mbanjsinhdung, bouxdawzrap aen dieggiek neix cingq cujciz vunzlai mbaet mak, doq youq gyaeujreih gai mak. Aen dieggiek neix gungh ndaem miz hajcib moux maksahdangzgiz, bineix moix moux ok roek cien gaen mak doxbae, daengz seizneix gaenq gai le seiqcib lai dun mak, moix gaen baefat gai ndaej haj maenz baedauq. Gyawj geij bi neix, Denzyangz Gih haeujsim guh canjnieb maksahdangzgiz daengj, dazyinx vunzmbanj ndaem mak, gujli boux guh ndaej gwn ndawmbanj laeb baenz hozcozse, hawj vunzlai mboujduenh demsou.（Vangz Gozsun/黄国顺）