Sinhvazse Sanjsih Yenzanh/Hoznanz Anhyangz 10 nyied 28 hauh dienh Cunghgung Cunghyangh cungjsuhgi、Gozgyah cujsiz、Cungh- yangh Ginhveij cujsiz Siz Ginbingz geij ngoenz gonq neix youq mwh gaujcaz Sanjsih Swngj Yenzanh Si、Hoznanz Swngj Anhyangz Si haenx daegbied gangj daengz, cienzmienh hwnqguh aen guekgya sevei cujyi yendaiva, ndawde gij yinvu ceiq gannanz ceiq naekcaem de lij youq lajmbanj. Raeuz yaek cienzmienh hagsib gvancez gij cingsaenz Ngeihcib Daih Dangj raeuz, dawzdingh guh- hoengh nungzyez lajmbanj gonq, haenqrengz fatyiengz gij cingsaenz Yanzanh caeuq cingsaenz Mieng- hungzgizgiz, gyamaenh caeuq gyalai gij cwngzgoj haenqrengz duetgungz gaenq aeundaej haenx, cienzmienh doihaeuj guhhoengh lajmbanj, vih guhbaenz nungzyez nungzcunh yen- daiva bae buekguh mboujdingz.

Cunghgung Cunghyangh Cwng- cigiz cangzveij、Cunghyangh Ban- gunghdingh cujyin Dingh Sezsiengz buenxriengz gaujcaz.