原文（Hot sei 《Hwnj Laeuzgvancoz》 canghsei Dangzciuz Vangz Cihvan raiz）:
白日依山尽，黄河入海流。
欲穷千里目，更上一层楼。
>
译文（Ciuq hawj gauj bien gonq bien laeng fat）：
>
Daengngoenz doek raeb bo,
Vangzhoz lae haeuj haij.
Siengj cim cien leix gyae,
Lij hwnj louz sang bae.
（西林县 Nungz Cujdwz/农祖德）
>
Byaibya ndit rongh cingx,
Vangzhoz lingq doh haij.
Siengj yawj mbwn daemx byai,
Aeu lai hwnj caengz laeuz.
（柳江区 Couh Gveifung/周桂凤）
>
Daengngoenz doek raeb bya,
Raemxdah coh haij lae.
Siengj muengh ndaej engq gyae,
Caiq dieb mbaek lae gwnz.
（青秀区 Luj Sauh/鲁 骚）
>
Daengngoenz riengz bya roengzbae,
Raemx Dahvangzhoz lae haeuj aenhaij.
Aeu siengj aenda yawjraen gyae,
Caiq hwnj caengz laeuz ndeu.
（隆林县 Vangz Yenfeih/黄艳飞）
>
Banhaemh nemz bya ninzcaem roengz,
Vangzhoz fozfoz ciuq haij bongh.
Siengj yawj gingjsaek cien leix gaeuq,
Couh aeu hwnj laeuz engqgya sang.
（西乡塘区 Leiz Ginghyenz/雷京媛）
>
Daengngoenz ing bya lup,
Dahvangzhoz haeuj haij.
Yaek yawj dieg gyae’gvangq,
Engq hwnj louz sang dem.
（西林县 Vuz Sanglanz/吴尚兰）
>
Daengngoenz yaek doek bya,
Vangzhoz ra daihhaij.
Yaek yawj cien leix gyaiq,
Caiq yamq hwnj laeuz sang.
（兴宾区 Luz Anhyungz/陆安荣）
>
Daengngoenz laeng bo mwenx[1],
Dahhenj lae haeuj haij.
Gaez[2] doh[3] da reng[4] leix,
Daeuq[5] hwnj dauq[6] sang dem.
注释：[1] mwenx 尽头，消失； [2] gaez希望，想要； [3]doh 穷，尽； [4]reng 千； [5]daeuq 再；[6]dauq 楼，楼层。
（云南省丘北县 Luz Swngh-yungz/陆生雄）
>
Daengngoenz baengh bya ciemhciemh doek roengz- bae lo, Dahvangzhoz yiengq daihhaij fanfoedfoed coh baihdoeng lae bae. Danghnaeuz yaek yawj gij gingjsaek cien leix gyae, couh yaek bin hwnj caengz laeuz sang ndeu dem.
（东兰县 Veiz Binghsez /韦冰雪）
>
Daengngoenz menh doek roengz
byai bya,
Raemx Dahvangzhoz bongh coh haij.
Yaek dawz gingjsaek yawj ndaej lai,
Couh caiq hwnj cwngz louz engq sang.
（右江区 Ouhyangz Veiyez/欧阳惠月）
>
Daengngoenz yaek doek congh,
Vangzhoz bongh roengz haij.
Ngonz fanh bya funghcaij,
Caiq hwnj caengz laeuz sang.
（平果市 Loz Ginhhungz/罗金宏）
>
Daengngoenz doek roengz ndoi,
Vangzhoz riuz haeuj haij.
Siengj yawj cien leix gyae,
Lij lai hwnj caengz laeuz.
（大化瑶族自治县 Veiz
Sezyez/韦雪妍）
缩小
默认
