Cunghyangh Gijliz Genjcaz Veijyenzvei Gaiq Cibgouj、Aen Gezyi Gvendaengz《Cunghgoz Gungcanjdangj Canghcwngz（Coihcingqanq）》

Siz Ginbingz Cujciz Daihhoih Caemhcaiq Gangj Vah Youqgaenj

中国共产党第二十次全国代表大会在京闭幕

选举产生新一届中央委员会和中央纪律检查委员会

通过关于十九届中央委员会报告的决议、关于十九届中央纪律检查委员会工作报告的决议、关于《中国共产党章程（修正案）》的决议

习近平主持大会并发表重要讲话

Sinhvazse Baekging 10 nyied 22 hauh dienh Cunghgoz Gungcanj- dangj Baez Ngeihcib Daengx Guek Daiqbiuj Daihhoih senjok Cunghyangh Veijyenzvei caeuq Cunghyangh Gijliz Genjcaz Veijyenzvei gaiq moq, doeng- gvaq aen gezyi gvendaengz faenh baugau Cunghyangh Veijyenzvei Gaiq Cibgou、aen gezyi gvendaengz faenh baugau hong Cunghyangh Gijliz Genjcaz Veijyenzvei Gaiq Cibgouj、aen gezyi gvendaengz《Cunghgoz Gungcanjdangj Canghcwngz（Coih- cingqanq）》satliux le, youq 22 hauh banhaet youq Yinzminz Daveidangz hai baenzndei satliux lo.

Siz Ginbingz dungzci cujciz daihhoih.

Siz Ginbingz daegbied gangj daengz, Cunghgoz Gungcanjdangj ginggvaq buekguh bak bi, youh byaij hwnj diuz roen ganj gauj moq. Bak bi doxdaeuj, Dangj comzgiet daiqlingx daengx guek gak cuz yinzminz duedaeu aen minzcuj cujyi gwzming moq、sevei cujyi gwzming caeuq gensez、gaijgwz hailangh caeuq sevei cujyi yendaiva gensez ndaej hingz hungmbwk, cauh’ok aen seizdaih moq sevei cujyi miz gij daegsaek Cungguek. Gij cwngzciu bak bi lwenqda baenzmaz, aen cwngdangj bak bi ngamj doiq seiz hoengh. Raeuz vanzcienz miz saenqsim miz naengzlig youq seizdaih moq gwnz roen moq guh baenz gij saeh mbouj bingzciengz engq hung moq hawj vunz seiqgyaiq da biengj bae. Daengx Dangj aeu gaenjmaed doxgiet youq seiqhenz Dangjcunghyangh, yaengxsang fan geiz hungmbwk sevei cujyi miz gij daegsaek Cungguek, giendingh gag- saenq lizsij, gyaak doinyoengx lizsij, gamj doucwngh、gamj aeu hingz，ngaem gyaeuj saedguh、laemxsim baenaj, comzgiet daiqlingx daengx guek gak cuz yinzminz vih guhbaenz gij muzbyauh yinvu Ngeihcib Daih Dangj raeuz dinghndei haenx bae buekguh.

Siz Ginbingz biujsiq, aen baugau Cunghyangh Veijyenzvei Gaiq Cibgouj youz daihhoih doenggvaq haenx, dwg gij dungxcaiz Dangj caeuq yinzminz gietbaenz，dwg gij cwngci senhyenz caeuq gij maeuzveh goekdaeuz dangj comzgiet daiqlingx daengx guek gak cuz yinzminz duedaeu yiengh sevei cujyi miz gij daegsaek Cungguek seizdaih moq caiq ndaej hingz, dwg faenh vwnzyen goekdaeuz Majgwzswh Cujyi. Raeuz cungj saenq, gak hangh gezcwz baijbouh Ngeihcib Daih Dangj raeuz guh’ok haenx、gak hangh cwngzgoj Ngeihcib Daih Dangj raeuz aeu ndaej haenx, couh itdingh cibfaen youqgaenj bae vix caeuq bauj raeuz guhbaenz saeh cienzmienh hwnqguh aen guekgya sevei cujyi yendaiva、cienzmienh doihaeuj Cunghvaz Minz- cuz fukhwng hungmbwk, duedaeu yiengh sevei cujyi miz gij daegsaek Cungguek caiq ndaej hingz.

Daihhoih ciuheuh, daengx Dangj daengx ginh daengx guek gak cuz yinzminz aeu gaenjmaed doxgiet youq seiqhenz aen Dangjcunghyangh aeu Siz Ginbingz dungzci guhgoek haenx, geiqmaenh gangjndwi nguh guek、saedguh hwng guek, giendingh saenqsim、caezsim caezhoz, ngaem gyaeuj buekguh、haenqrengz baenaj, vih cienzmienh hwnqguh aen guekgya sevei cujyi yendaiva、cienzmienh doihaeuj Cunghvaz Minzcuz fukhwng hungmbwk bae doxgiet buekguh.

（ciuq Sinhvase）