1、Dangj raeuz laebceiq guh hongsaeh hungmbwk cien nienz fanh daih Cunghvaz Minzcuz, haenqrengz guh hongsaeh hungsang vunzloih hozbingz caeuq hwngfat, diuzrap hungnaek lailai, rapdawz miznaj lailai. Daengx dangj dungzci itgingh aeu mbouj lumz simnduj、geiqmaenh rapdawz, itdingh aeu giemhaw roxre、dingj hoj buekguh, itdingh aeu gamj guh doucwngh、ak guh doucwngh, giendingh lizsij gagsaenq, gyaak lizsij cawjdoengh, sij ok bien faenzcieng sevei cujyi miz gij daegsaek Cungguek seizdaih moq lai gyaeundei lwenqda dem.

我们党立志于中华民族千秋伟业，致力于人类和平与发展崇高事业，责任无比重大，使命无上光荣。全党同志务必不忘初心、牢记使命，务必谦虚谨慎、艰苦奋斗，务必敢于斗争、善于斗争，坚定历史自信，增强历史主动，谱写新时代中国特色社会主义更加绚丽的华章。

2、Ginggvaq mboujduenh roengzrengz bae guh, Dangj raeuz ra ndaej le aen dapanq daihngeih, hix couhdwg doenggvaq gag gaij bienq ndei bae saet ok andingh、doenghluenh、hwnghoengh、doekbaih yiengh hopgeiz lizsij neix, saedbauj Dangj ciengxlwenx mbouj nduk、mbouj naeuh、mbouj haeu.

经过不懈努力，党找到了自我革命这一跳出治乱兴衰历史周期率的第二个答案，确保党永远不变质、不变色、不变味。

3、Gij cingzcik hungmbwk seizdaih moq dwg Dangj caeuq yinzminz caezcaemh buek okdaeuj、guh okdaeuj、haenqguh okdaeuj!

新时代的伟大成就是党和人民一道拼出来、干出来、奋斗出来的！

4、Gij bengwz hungmbwk seizdaih moq cib bi neix, youq gwnz lizsij Dangj raeuz、lizsij Cungguek moq、lizsij gaijgwz hailangh、lizsij hwngfat sevei cujyi、lizsij hwngfat Cunghvaz Minzcuz, miz yiengh eiqngeih dangq lohbaiz.

新时代十年的伟大变革，在党史、新中国史、改革开放史、社会主义发展史、中华民族发展史上具有里程碑意义。

（cienj banj 14）