（ciep banj 11）

Cungguek lai bae caeuqfaenh gaijgwz caeuq laebguh aen dijhi ceihleix lajmbwn, doenggvaq hengzguh aen leixniemh doxyaeng caezhwnq caemhyungh bae ceihleix lajmbwn, dawzmaenh gij dohbenh cujyi caencingq, doinyoengx gozci gvanhaeh bienq ndaej engq minzcuj bae, doinyoengx gaiq hong ceihleix lajmbwn coh aen fuengyiengq engqgya goeng- cingq hableix bae hwngfat.

Siz Ginbingz youq ndaw baugau biujsiq, Cungguek daezok le aen cawjcieng hawj lajmbwn hwngfat、aen cawjcieng hawj lajmbwn ancienz, nyienh caeuq gozci sevei itheij roengzrengz bae guh. Raeuz caensim hemq- heuh, seiqgyaiq gak guek cungj hwngcienz gij gyaciz hozbingz、hwngfat、goengbingz、cingqngeih、minzcuj、swyouz daengx vunzloih caezcaemh haenx, sawj gak guek yinzminz engq doxrox doxndiep, swngznyinh seiqgyaiq vwnzmingz miz lai cungj lai yiengh, aeu vwnzmingz gyaulouz hamj gvaq vwnzmingz haekhawz、vwnzmingz doxhag hamj gvaq vwnzmingz doxdawz、vwnzmingz caez miz hamj gvaq vwnzmingz gag ak, doengzcaez wngqdoiq lajmbwn gak cungj nyauxnyex. Gyoengq yinzminz Cungguek nyienh caeuq gyoengq yinzminz seiqgyaiq dazfwngz haicauh aen daengzcog engqgya gyaeundei.

Siz Ginbingz daegbied gangj daengz, giendingh mbouj bienq cienzmienh yiemzhaenq guenj Dangj, doinyoengx aen gunghcwngz hung- mbwk guhhung guh’ak aen Dangj seizdaih moq guh haeuj laeg bae

Siz Ginbingz youq ndaw aen baugau Ngeihcib Daih daegbied gangj daengz, giendingh mbouj bienq cienzmienh yiemz- haenq guenj Dangj, doinyoengx aen gungh- cwngz hungmbwk guhhung guh’ak aen Dangj seizdaih moq guh haeuj laeg bae.

Siz Ginbingz vixok, cienzmienh hwnqguh aen guekgya sevei cujyi yendaiva、cienzmienh doihaeuj Cunghvaz Minzcuz fukhwng hung- mbwk, gij ceiq youqgaenj dwg Dangj raeuz. Dangj raeuz dangguh aen cwngdangj Majgwzswh Cujyi gwnz seiqgyaiq ceiq hung, yaek itcig cungj ndaejdaengz yinzminz gaenriengz、gyamaenh aen diegvih ciengzgeiz gaemgienz, itdingh aeu seizseiz cungj singjsag caeuq giendingh bae gaijgez gij nanzdaez aen dangj hung gag miz haenx. Daengx Dangj itdingh aeu geiqmaenh, cienzmienh yiemzhaenq guenj Dangj ciengx- lwenx aeu guh roengzbae, Dangj raeuz gag gaij bienq ndei ciengxlwenx aeu guh roengzbae, baenzlawz cungj mbouj ndaej miz yiengh siengjfap soengrengz yietnaiq、naetnaiq mbwq guh, itdingh aeu dingjnanz mbouj soeng bae doihaeuj cienzmienh yiemzhaenq guenj Dangj, haeujlaeg doihaeuj gaiq hong hungnaek guhhung guh’ak aen Dangj seizdaih moq, doenggvaq Dangj raeuz gag gaij bienq ndei bae dazyinx ndawbiengz bae guh gaijndei.

Raeuz aeu doeksaed gij cungjiugouz guhhung guh’ak aen Dangj seizdaih moq, laebcaez aen dijhi cienzmienh yiemzhaenq guenj Dangj, daj gak fuengmienh doihaeuj gij hong Dangj raeuz gag bienq cinghseuq、gag guh caezcienz、gag gaij bienq ndei、gag rox daezsang, hawj Dangj raeuz ndaej geiq maenh simnduj sawjmingh, seizseiz cungj baenz aen cehsim maenh’ak lingjdauj aen saehnieb sevei cujyi miz gij daegsaek Cungguek.

It dwg dawzmaenh caeuq gyaak gij gyonjcomz lingjdauj Dangjcunghyangh. Laeb- caez aen cidu dijhi Dangj raeuz lingjdauj ndaej bae doengjlamx daengxbuenz、hezdiuz gak fueng, laebndei aen gihci hengz ndei gij gezcwz baijbouh hungnaek Dangjcunghyangh, saedbauj daengx Dangj youq cwngci laebciengz、cwngci fuengyiengq、cwngci yenzcwz、cwngci roenloh fuengmienh caeuq Dangjcunghyangh baujciz doxdoengz liuxliux, saedbauj Dangj raeuz doxgiet doengjit.

Ngeih dwg itcig mbouj cuengqsoeng yungh Aen Swhsiengj Sevei Cujyi Miz Gij Daegsaek Cungguek Seizdaih Moq comz simvunz couq lingzhoenz. Cienzmienh gya’rengz guh’ak gij swhsiengj aen Dangj, lai yunghrengz son’gyauq lijsiengj saenqniemh, dazyinx daengx Dangj geiqmaenh aen cunghcij Dangj raeuz, gagrox guh boux giendingh saenqyiengj caeuq boux lauxsaed hengzguh aen lijsiengj hunggyae gungcanj cujyi caeuq aen lijsiengj caezcaemh yiengh sevei cujyi miz gij daegsaek Cungguek.

Sam dwg laebndei gij cidu gveihfan dijhi gvendaengz Dangj raeuz gag gaij bienq ndei. Dawzmaenh baengh cidu guenj Dangj、ciuq gvicieng guenj Dangj, laeb caezcienz aen dijhi gamduk Dangj raeuz doengzcaez lingjdauj、gizgiz yienghyiengh goq caez、miz gienzvi youh ak guh haenx, hawj fag giemqraeh cwngci liebyawj miz ok cozyung, rap ndei aen cwngci cwzyin cienzmienh yiemzhaenq guenj Dangj, yungh ndei gij banhfap cazdawz cwzyin.

Seiq dwg laebbaenz aen doih ganbu suciz sang rap ndaej diuz rapnaek minzcuz fukhwng. Dawzmaenh daek caiz caez miz、aeu daek youq gonq、seiq fueng bet baih、yawj caiz yungh vunz, laebhwnj aen yinxyiengq cingqdeng bae genj vunz yungh vunz, genjaeu boux ganbu ciennieb ak suciz sang youh cungcig cinghseuq dangrap haenx, genj bouxndei boiq bouxak hawj gak gaep lingjdauj banhswj, gyarengz hawj ganbu ganqbaenz gij cingsaenz rox doucwngh caeuq gij bonjsaeh guh doucwngh, gikcoi ganbu daihdamj dawzrap、hwnjheiq guhsaeh.

Haj dwg dem’ak gij cwngci gunghnwngz caeuq cujciz gunghnwngz dangjcujciz. Dingj- maenh aen yinxyiengq cingxcag haenqrengz guhndei hong gihcwngz, dawz gij dangjcujciz gihcwngz gensez baenz aen candou baujleij maenh’ak ndaej ndeindei saedyienh Dangj guh lingjdauj haenx, gikcoi dangjyenz langh ok gij cozyung daiqdaeuz guh yienghndei, baujciz aen doih dangjyenz maenhndei caeuq cinghseuq.

Roek dwg dingjmaenh aeu yiemz guh cawjdiuh gyarengz bae guh gij hong dawzcingq fungheiq yiemzsuk gijliz. Itcig mbouj cuengq- soeng bae doeksaed gij cingsaenz bet hangh gvidingh cunghyangh, lienzdaemh gyalaeg niujcingq caeuq ceihleix gij vwndiz “seiq fung”, cungdenj niujcingq hingzsiz cujyi、gvanhliuz cujyi, laemxsim buqcawz gij swhsiengj saj daeggienz caeuq gij hengzsaeh saj daeggienz.

Caet dwg laemxsim dwkhingz ciengz ciengq haenqrengz naihnanz bae fanj nduknaeuh. Nduknaeuh dwg cungj baezdoeg ceiq yak haih daengz gij rengzmingh caeuq rengzhoenx Dangj raeuz, fanj nduknaeuh dwg yiengh gag gaij bienq ndei ceiq daengzdaej. Cijaeu miz gij diegnamh caeuq diuzgen ndaej mizok nduknaeuh, aen doucwngh fanj nduknaeuh couh yaep ndeu hix mbouj ndaej dingz, itdingh aeu ciengxlwenx guh roengzbae, dingjmaenh baenz cingjdaej doi hawj mbouj gamj nduknaeuh、mbouj ndaej nduknaeuh、mbouj siengj nduknaeuh, mbouj yungznyaenx saek di bae fanj nduknaeuh fad hengzyak, baenzbaenz cungj mbouj yungzcingz.

Siz Ginbingz vixok, seizdaih cingq hemqheuh raeuz, yinzminz cingq deqmuengh raeuz, cij miz laemxsim mbouj bienq、ngaem gyaeuj saedguh, cij doiq ndaej hwnj seizdaih、doiq ndaej hwnj yinzminz. Daengx Dangj itdingh aeu geiqmaenh, dingjmaenh Dangj raeuz cienzmienh lingjdauj dwg diuz roen dingjmaenh caeuq hwngfat yiengh sevei cujyi miz gij daegsaek Cungguek bietdingh aeu byaij, yiengh sevei cujyi miz gij daegsaek Cungguek dwg diuz roen guhbaenz Cunghvaz Minzcuz fukhwng hungmbwk bietdingh aeu byaij, doxgiet buekguh dwg diuz roen yinzminz Cungguek dajcauh lizsij saehnieb hungmbwk bietdingh aeu byaij, gvancez gij leixniemh hwngfat moq dwg diuz roen seizdaih moq guek raeuz hwngfat bienq hung bietdingh aeu byaij, cienzmienh yiemzhaenq guenj Dangj dwg diuz roen Dangj raeuz ciengxlwenx baujciz rengzhoengh、byaij ndei diuz roen ganj gauj moq bietdingh aeu byaij. Neix dwg gij nyinhrox hab gvilwd ceiq youqgaenj raeuz ginggvaq ciengzgeiz saedguh aeundaej haenx, itdingh aeu engqgya insik、itcig dingjmaenh, dawzndaet dawzmaenh mbouj cuengqsoeng, dazyinx caeuq baujcang aen ruz hung sangsup yiengh sevei cujyi miz gij daegsaek Cungguek neix, ndaej swnh rumz buq langh、hengz onj bae gyae.

Siz Ginbingz daegbied gangj daengz, doxgiet ok rengz hung, doxgiet cij ndaej hingz. Cienzmienh hwnqguh aen guekgya sevei cujyi yendaiva, itdingh aeu hawj ikfanh yinzminz lailai langh ok gij rengz dajcauh hungmbwk. Daengx Dangj aeu gaemmaenh aen gaenbonj moegdik it sim it eiq fugsaeh yinzminz, laeb- maenh aen gvanhdenj gvendaengz ginzcung, gvancez diuz lohsienq ginzcung, gingqcungh gij cingsaenz cauhnduj yinzminz, dingjmaenh yienghyiengh vih yinzminz、yienghyiengh baengh yinzminz, daj ndaw ginzcung daeuj、baedaengz ndaw ginzcung, seizseiz baujciz caeuq yinzminz ginzcung lwednoh doxnem, seizseiz ciepsouh yinzminz baebingz caeuq gamduk, seizseiz caeuq yinzminz caez diemheiq、caemh minghyinh、sim doxlienz, mboujduenh gyamaenh yiengh daengx guek gak cuz yinzminz daih doxgiet, gyaak gyoengq lwglan Cunghvaz ndaw guek rog guek daih doxgiet, cauxbaenz nga rengzgap maenh’ak caezsim caezhoz guhbaenz aen loqsiengj Cungguek.

Siz Ginbingz vixok, bouxcoz ak, guekgya couh ak. Bouxcoz Cungguek dangdaih seng youq seizdaih ndei, miz aen bingzdaiz gvangqlangh dangqmaz hawj bae langh ok dungxcaiz, miz diuz roennaj ronghsag dangqmaz hawj bae guhbaenz loqsiengj. Daengx Dangj aeu dawz gij hong gvendaengz bouxcoz dangguh hangh hong canloz daeuj guh, yungh gij gohyoz lijlun Dangj raeuz bae vujcangh bouxcoz, yungh gij sawjmingh simnduj Dangj raeuz bae gamjciu bouxcoz, guh boux rox aen sim bouxcoz baengzyoux、boux mizsim guh gij hong bouxcoz、boux daiqroen gyoengq bouxcoz. Gyoengq bouxcoz aeu giendingh mbouj bienq dingq Dangj gangj、riengz Dangj byaij, sim miz loqsiengj youh netsaed guh saeh, gamj siengj gamj guh youh rox guh saeh guh baenz saeh, laebceiq guh bouxcoz ndei seizdaih moq miz lijsiengj、gamj dangrap、gwn ndaej hoj、haengj buekguh, hawj seizcoz youq mwh simndat fwdfwd bae cienzmienh hwnqguh aen guekgya sevei cujyi yendaiva langh ok dungxcaiz maenh’ak.

Siz Ginbingz gatsat naeuz, Dangj raeuz haenqrengz buekguh dajcauh le aen saehnieb hungmbwk bak bi, hix itdingh ndaej caiq haenqrengz buekguh dajcauh aen saehnieb hungmbwk moq. Daengx Dangj daengx ginh daengx guek gak cuz yinzminz aeu gaenjmaed doxgiet youq seiqhenz Dangjcunghyangh, geiq- maenh gangjndwi nguh guek、saedguh hwng guek, giendingh saenqsim、caezsim caezhoz, ngaem gyaeuj buekguh、haenqrengz baenaj, vih cienzmienh hwnqguh aen guekgya sevei cujyi yendaiva、cienzmienh doihaeuj Cunghvaz Minz- cuz fukhwng hungmbwk bae doxgiet buekguh.

（ciuq Sinhvazse）