（ciep banj 4）

——Bietdingh aeu seizseiz daj daengx- buenz bae naemj. Mboujduenh hawj yiengh ngeixnaemj daihbuenz、ngeixnaemj lizsij、ngeixnaemj bencwng、ngeixnaemj hidungj、ngeixnaemj cauhmoq、ngeixnaemj fapceih、ngeixnaemj daejsienq bienq engq ak, vih raeuz naemj gonq naemj gyae、daengxbuenz maeuzveh、cingjdaej doicaenh gak hangh saehnieb Dangj caeuq guekgya daezhawj swhsiengj fuengfap ndei.

——Bietdingh aeu seizseiz sim miz lajmbwn. Raeuz aeu haigvangq lwgda yawj seiqgyaiq, laegdaeuq yawjronz aen byaij- yiengq vunzloih hwngfat baenaj, lailai hoizdap gij vwndiz gyoengq yinzminz gak guek caez gvansim de, ok goengrengz gaijgez aen vwndiz gij vunz lajmbwn seizneix doengzcaez bungz- daengz haenx, aeu yiengh dungx gvangq lumj haij bae hag aeu sojmiz vwnzmingz cwngzgoj maenhndei vunzloih, doidoengh hwnqguh aen seiqgyaiq engqgya gyaeundei.

Siz Ginbingz daegbied gangj daengz, aeu yiengh yendaiva Cung- guek bae cienzmienh doinyoengx Cunghvaz Minzcuz fukhwng hung- mbwk

Siz Ginbingz youq ndaw aen baugau Ngeihcib Daih daegbied gangj daengz, daj seizneix hwnj, gaiq hong ceiq youqgaenj Cunghgoz Gungcanjdangj couh dwg doxgiet daiqlingx daengx guek gak cuz yinzminz cienzmienh hwnqbaenz aen guekak sevei cujyi yendaiva、guhbaenz aen moegbiu buekguh aen bak bi daihngeih, aeu yiengh yendaiva Cung- guek bae cienzmienh doinyoengx Cunghvaz Minzcuz fukhwng hungmbwk.

Siz Ginbingz youq ndaw baugau vixok, baengh Cungguek moq laebbaenz daegbied dwg gaijgwz hailangh doxdaeuj ciengzgeiz damqra caeuq saedguh, ginggvaq Cibbet Daih doxdaeuj lijlun caeuq saedguh ndaej cauhmoq cungbyoengq, Dangj raeuz caen ndaej hawj yiengh yendaiva Cungguek yied guh yied ndei、yied mbe yied gvangq.

Yiengh yendaiva Cungguek, dwg yiengh yendaiva sevei cujyi youz Cunghgoz Gung- canjdangj lingjdauj, gawq miz giz caeuq yiengh yendaiva gak guek doxdoengz de, engq gag miz gij daegsaek habngamj guekcingz Cung- guek.

——Yiengh yendaiva Cungguek dwg yiengh yendaiva vunzsoq lailai daihdaih.

——Yiengh yendaiva Cungguek dwg yiengh yendaiva daengxcungq yinzminz doengzcaez fouqmiz.

——Yiengh yendaiva Cungguek dwg yiengh yendaiva vuzciz vwnzmingz caeuq cingsaenz vwnzmingz doxdaengh.

——Yiengh yendaiva Cungguek dwg yiengh yendaiva bouxvunz caeuq swhyienz doxhuz caemhyouq.

——Yiengh yendaiva Cungguek dwg yiengh yendaiva byaij diuz roen hozbingz hwngfat.

Siz Ginbingz vixok, yiengh yendaiva Cungguek gij bonjcaet iugouz de dwg: Dingj- maenh Cunghgoz Gungcanjdangj lingjdauj, dingjmaenh yiengh sevei cujyi miz gij daegsaek Cungguek, guhbaenz caetliengh sang bae hwngfat, hawj yinzminz minzcuj ronzdoeng goekbyai, hawj aen uk aen sim yinzminz ndaej cungsaed, hawj daengxcungq yinzminz ndaej doengzcaez fouqmiz, coicaenh bouxvunz caeuq swhyienz doxhuz caemhyouq, doinyoengx cauhlaeb aen minghyinh caezcaemh vunz lajmbwn, dajcauh aen hingzdai moq vwnzmingz vunzloih.

Siz Ginbingz youq ndaw baugau vixok, daengz 2035 nienz, aen cungjdaej moegbiu hwngfat guek raeuz dwg: Saedlig ginghci、saedlig gohgi、gueklig gyoebhab daih fukdoh yat sang, swnghcanj cungjciz ndaw guek dan bingz suenq daengz gak boux caiq ndaej hwnj mbaek hung, dabdaengz gij suijbingz aen guekgya fatdad cungdaengj; hawj gohgi gag laeb gag ak guh ndaej daengz suijbingz sang, yamq haeuj baizgonq yiengh guekgya ak cauhmoq; laebbaenz aen ginghci dijhi yendaiva, cauxbaenz aen gapgyaq hwngfat moq, daihdaej guhbaenz yiengh gunghyezva、sinsizva、cwngz- cinva、nungzyez yendaiva moq; daihdaej hawj aen dijhi ceihleix caeuq gij bonjsaeh ceihleix guekgya ndaej habngamj ciuhneix, aen cidu yinzminz minzcuj ronzdoeng goekbyai engqgya caezcienz, daihdaej hwnqbaenz aen guekgya fapceih、aen cwngfuj fapceih、aen biengz fapceih; hwnqbaenz aen guekgya gyauyuz ak、aen guekgya gohgi ak、aen guekgya vunzcaiz ak、aen guekgya vwnzva ak、aen guekgya dijyuz ak、aen Cungguek cangqheiq, gij saedlig’unq vwnzva guekgya bienq ak yienhda; gij saedceij yinzminz engqgya vuenyungz, gij souhaeuj ndaej yungh dan bingz suenq daengz gak boux caiq hwnj mbaek moq, gij vunzsoq gyoengq souhaeuj cungdaengj ndaej ciemq lai haujlai, yiengh fugsaeh vunzlai caezcaemh giekbonj guhdaengz bouxboux doxdoengz, lajmbanj daihdaej bwh caez gij doenghyiengh ciuh haenx gvaq saedceij aeuyungh, ndawbiengz ciengzgeiz cungj onjdingh, bouxvunz yienghyiengh fatmaj、daengxcungq yinzminz doengzcaez fouqmiz caen ndaej guhndei baenaj haujlai; dauqcawq raen yungh fuengsik loegsaek bae swnghcanj swnghhoz, danq baizcuengq daemxdingj le menhmenh gyangqdaemq, swnghdai vanzging daj goekgaen bienq ndei, aen moegbiu Cung- guek bienq gyaeundei daihdaej guhdaengz; aen dijhi caeuq gij bonjlingx hawj guekgya ancienz ndaej cienzmienh gyaak, daihdaej guhbaenz gozfangz caeuq bingdoih yendaiva.

Baezlaeng haj bi dwg mboengq ceiq youqgaenj ndeu, dwg mboengq haibuenz hwnjdin cienzmienh hwnqguh aen guekgya sevei cujyi yendaiva.

Siz Ginbingz youq ndaw baugau vixok, guek raeuz hwngfat haeuj daengz mboengq miz seizgei hungloet caemh miz fungyiemj nyauxnyex、yienghsaeh mbouj doekdingh nanz liuhdaengz de demlai, gij saeh gig noix raen dauqfanj raen、gij saeh raen lai dangq mbouj raen de seizseiz aiq miz ok. Raeuz itdingh aeu lai rox youheiq, seizseiz naemj daengz daejsienq, guh daengz youq onj ngeix nanh、caengz fwn bwh liengj, caepcawq dingjsouh fwnhung rumzraq engqlij vax biengj ranz doemq doengh gij gaujniemh haenqnaek neix. Youq gwnz roen baenaj, itdingh aeu gaemmaenh gij yenzcwz hungnaek lajneix.

——Dawzmaenh caeuq gyaak yiengh- yiengh aeu Dangj lingjdauj. Laemxsim henhoh gij gienzvi caeuq yiengh gyonjcomz lingjdauj Dangjcunghyangh, hawj gak lingjyiz gak fuengmienh gak vanzcez gij saehnieb Dangj caeuq guekgya cungj aeu Dangj daeuj lingjdauj, hawj Dangj raeuz youq mwh rumz fwn daeuj daengz itcig cungj dwg bouxguhcawj gyoengq yinzminz Cungguek ceiq baenghndaej de.

——Dawzmaenh diuz roen sevei cujyi miz gij daegsaek Cungguek. Gawq mbouj byaij diuz roengaeuq fungsaek gyaengjgyat, hix mbouj byaij diuz roenloek gaijvuenh geizhauh, dawzmaenh ciuq rengz swhgeij bae hawj guekgya caeuq minzcuz hwngfat, dawzmaenh gaemndaet gij minghyinh Cungguek hwngfat baenaj youq ndaw fwngz swhgeij.

——Dawzmaenh aen swhsiengj hwngfat aeu yinzminz guh cungsim. Mboujduenh guhdaengz hwngfat vih yinzminz、hwngfat baengh yinzminz、cwngzgoj hwngfat youz yinzminz caemhyungh, hawj gij cwngzgoj hwnqguh yendaiva engq lai engq goengbingz ik daengz daengxcungq yinzminz.

——Dawzmaenh gyalaeg gaijgwz hai- langh. Mboujduenh yienh’ok gijndei yiengh cidu sevei cujyi miz gij daegsaek Cungguek, mboujduenh dem’ak gij rengz- nyoengx caeuq rengzhoengh hwnqguh sevei cujyi yendaiva, dawz gijndei doengh aen cidu guek raeuz engq ndei cienjbienq baenz gij rengzmaenh ceihleix guekgya.

——Dawzmaenh fatyiengz cungj cing- saenz buekhoenx. Hawj daengx Dangj daengx guek gak cuz yinzminz lai miz ceiqheiq、goetheiq、daejheiq, mbouj saenq gij yak、mbouj lau duzfangz、mbouj lau deng naenx, rox nanz hix hwnj、roemx nanz bae guh, daengxbuenz maeuzveh hwngfat caeuq ancienz, aeu cienzbouh goengrengz bae dwkroengz gak cungj hojnanz caeuq nyauxnyex gwnz roen baenaj, baengh haenqmengx buekhoenx bae dwk ok aen diendeih moq hwngfat saehnieb.

Siz Ginbingz daezok, gyavaiq cauhlaeb yiengh gapgyaq hwngfat moq, roengzrengz coihawj yiengh hwngfat caetliengh sang guh baenaj

Siz Ginbingz youq ndaw aen baugau Ngeihcib Daih daezok, itdingh aeu caezcup、cinjdeng、dohcaez hengz ndei aen leixniemh hwngfat moq, dinghmaenh aen fuengyiengq gaijgwz yiengh hawciengz ginghci sevei cujyi, dingjmaenh guh yiengh doiq rog hailangh gaep sang, gyavaiq cauhlaeb aen gapgyaq hwngfat moq aeu aen loek ndaw guek baenqcienj guh goek、ndaw guek rog guek song loek caez baenq bae doxcoi baenaj.

（cienj banj 6）