原文（Hot sei 《Hwnj Laeuzgvancoz》 canghsei Dangzciuz Vangz Cihvan raiz）:

白日依山尽，

黄河入海流。

欲穷千里目，

更上一层楼。

译文（Ciuq hawj gauj bien gonq bien laeng fat）：

Daengngoenz nod roengz bya,

Dahvangzhoz roengz haij.

Yaek rah giz gyae byai,

Caiq benz caengz laeuz sang.

（田阳区 Lingz Siuyangh/凌秀香）

Da’ngoenz numq doek baengh bya sae,

Vangzhoz gikriuz coh haij doeng.

Naengh aeu yawj ndaej gingj cien leix,

Dingh aeu caiq hwnj caengz laeuz moq.

（Cinz Gengwngh/秦健畊）

Ndithaemh ciuq dep goengqbya haenx menhmenh doek roengzbae, Dahvangzhoz laehuhu bonghbae coh daihhaij gvangqlangh. Yaek siengj dawz gij gingjsaek ronghsagsag haenx yawj gaeuq bae, yienghneix couh caiq bin hwnj caengz laeuz sang ndeu.

（都安瑶族自治县 Veiz Couyiz/韦绉怡）

Gyangngoenz doek bangx bya,

Vangzhoz riuz roengz haij.

Caenh dangh ij yawj gyae,

Lai benz cwngz louz ndeu.

（西乡塘区 Suh Gyanghlingz/苏江玲）

Daengngoenz doek roengz bya,

Dahvangzhoz roengz haij.

Siengj muengh ndaej gyae lai,

Caiq bin hwnj caengz laeuz.

（平果市 Danz Hijvah/谭喜花）

Daengngoenz roengz bya bae,

Vangzhoz lae coh haij.

Yaek yawj cingh bet baih,

Caiq hwnj caengz laeuz dem.

（平果市 Yiz Ciz/余 执）

Daengngoenz menhmenh doek roengz bya,

Vangzhoz raemxdah lae haijyangz.

Danghnaeuz siengj yawj cien leix gvangq,

Cingj mwngz hwnj sang dingj cwngz louz.

（厦门市湖里区 Loz Dauh/罗 滔）

Daengngoenz doek roengz bya,

Dahvangzhoz coh haij.

Yaek yawjraen engq lai,

Caiq yamq din doxhwnj.

（上林县 Lij Lanzyen/李兰艳）

Daengngoenz doek roengz bya,

Vangzhoz riuz coh haij.

Siengj yawj ndaej lai gyae,

Aeu hwnj laeuz sang bae.

  （上林县 Cinz Yez/覃 悦）

Daengngoenz yaek doek congh,

Vangzhoz bongh coh haij.

Byaimbwn dep dah byaij,

Hwnj laeuz naih cod muengh.

（青秀区 Veiz Caijcinh/韦彩珍）

Daengngoenz yaek doek bya,

Vangzhoz lae gap haij.

Mwngz yaek yawj bae gyae,

Couh aeu bin bae sang.

（西林县 Liengz Fungh/梁 锋）