Gyawj geij bi neix, Bingzgvei Gih aeu gvancez dem’ak cienzmienh youz aendangj cienzmienh dazyinx hong minzcuz、cienzmienh hwnqguh aen dijhi yenzgiu couqmaenh gij eiqsik caezcaemh Cunghvaz Minzcuz、cienzmienh cauxbaenz aen daihbuenz haenqrengz lwnhgangj son’gyauq couqmaenh gij eiqsik caezcaemh Cunghvaz Minzcuz、cienzmienh doi- caenh hwnqguh ranzmbanj dox- caemh Cunghvaz Minzcuz、cienzmienh doidoengh vunzlai gak cuz doxcaez byaij coh sevei cujyi yendaiva、cienzmienh coicaenh gak minzcuz dox baedauq doxgyau doxyungz、cienz- mienh daezswng gij suijbingz yendaiva dijhi guenjleix caeuq naengzlig guenjleix hongsaeh minzcuz daengj guh hong cauhlaeb minzcuz doxgiet baenaj. Lumj lwnhgangj 600 lai ciengz (baez); douz le 2709 fanh maenz guh 37 aen hanghmoeg daez- swng son’gyauq; guh’ok 《Laeuj- daizraez》daengj buek vwnzyi cozbinj miz daegsaek Bingzgvei; daezsang naengzlig caeuq suijbingz baujcang fugsaeh goenggungh; hwnqguh fap- ceih Bingzgvei daengj. Aen gih neix mboujduenh couqmaenh gij eiqsik caezcaemh Cunghvaz Minzcuz, guh- ok aen daihbuenz gak minzcuz caezhoz doxgiet buekguh doxcaez mwnhoengh hwngfat ndei, angqcoux Ngeihcib Daih Aendangj huzswnh ciuhai.（Moz Gyanghfung/莫江凤）