Sinhvazse Baekging 10 nyied 8 hauh dienh Gicej cam mizgven fuengmienh cix rox, Aen Sinhvwnz Cunghsinh Cunghgoz Gungcanjdangj Daih Ngeihcib Baez Daengx Guek Daibyauj Daihhoih 10 nyied 12 hauh hainduj ndaej yungh caemhcaiq ciepdaih fugsaeh boux baihrog. Aen sinhvwnz cunghsinh neix youq Bwzgingh Sinhsigij Yizhangz Fanden ndalaeb fuzvugih ciepdaih gicej. Gyoengqvunz aen sinhvwnz cunghsinh neix cungj haeujsim haenqrengz guh hongsaeh coengh gyoengq gicej Yanghgangj Dwzbez Hingzcwnggih、Aumwnz Dwzbez Hingzcwnggih、Daizvanh Digih caeuq gyoengq gicej rogguek daeuj caijfangj Ngeihcib Daih Dangj raeuz banh caijfangj cwnggen、souhleix gij saeh sinhcingj caijfangj, cujciz sinhvwnz fazbuvei caeuq gicej cauhdaivei baez daihhoih neix, ndabaiz gicej caijfangj daihhoih.

（Sinhvazse）