Bonjbauq siusik（gicej Veiz Yingjcinh/韦颖琛） 9 nyied 23 hauh, gicej daj aen hoih fatbouh sinhvwnz rox, 2022 nienz Aen Doxdax Guh Ndangdaenj Minzcuz “Buh gyaeundei · Namzningz Giengh”cingqsik hainduj. Baez doxdax neix goenghai cwngcomz gij ndangdaenj miz daegsaek minzcuz Guengjsae youq mwh youqgaenj roxnaeuz guh yizsiz daenj haenx, lumj buhlaex cwngvu、buhlaex vaigyauh、buhlaex guhlaeuj daengj, cienz dajciengj gungh miz 7.5 fanh maenz. Mbat doxdax neix dwg vihle haivat、fatyiengz、ciepcienz caeuq cauhmoq hwngfat gij vwnzva ndangdaenj minzcuz gih raeuz, giendingh vwnzva gagsaenq, coicaenh gak minzcuz doxgyau doxhag, couqmaenh gij eiqsik caezcaemh Cunghvaz Minzcuz. Doxdax daj 2022 nienz 9 nyied guh daengz 2023 nienz 2 nyied. Byawz siengj camgya couh bae Aen Vangj Namzningz Si Vwnzva Guengjdienh Caeuq Lijyouz Giz （http://wgl.nanning.gov.cn/） yawjyawj.