9 nyied 23 hauh dwg daihhaj aen ciet fungsou nungzminz Cungguek. Coufaen, dauqcawq haeuxliengz ndaej sou lai, gvegve makmak homfwdfwd, gak dieg gih raeuz foenfoen guh lai buek hozdung hoh sou lai, vunzlai gak minzcuz doxcomz giz ndeu, angqhoh haeuxliengz sou lai、nienzcingz ndei.

Bonjbauq siusik（gicej Vangz Yinz/黄云）Haeuxnaengj haj saek、byaseng、ceizgo- ngaih、maenzgat、makbwzyanghgoj、makhojlungzgoj daengj baijlele, aeu bae daih hek, beixnuengx gak minzcuz doxcaez eu fwen, doxdax ndaem naz、dwk bya daengj, neix dwg yienhciengz 9 nyied 23 hauh Vujmingz Gih guh hozdung hoh bi 2022 aen ciet fungsou nungzminz Cungguek caeuq “hoh sou lai coux hoih hoengh”. Vujmingz guh hozdung neix le, engq giendingh simnduj “hawj nungzminz vuenyungz、lajmbanj saenqhwng”guh hong“sam nungz”, caez doidoengh nungzyez miz daegsaek yienhdaih Vujmingz caiq hwnj mbaeklae moq.

“Dangj caeuq Mulauj caen youh caen, couh lumj bya caen gyaez raemx lai……”9 nyied 23 hauh daengz 24 hauh, Lozcwngz Mulaujcuz Swciyen Dunghmwnz Cin Mbanj- dwzyinh guh hozdung “angqcoux Ngeihcib Daih” hoh ciet fungsou. Yienhciengz miz aen hoih gai huqdoj、hawcaeux hawhaemh、majlahsungh doxdax、vwnzyi biujyienj daengj, vunz lai vunz daih, nauhyied raeuh.

（Cinz Lungzboh/覃龙波）