Sinhvazse Baekging 9 nyied 25 hauh dienh Ndaej daengz Dangj- cunghyangh aeu Siz Ginbingz dungzci guh vaedsim haenx giengiengz lingjdauj, hong senj boux daibyauj Ngeihcib Daih Dangj gaenq swnhleih guhsat. Daengx guek gak aen danhvei senjgij faenbied hai aen hoih dangj daibyauj, senjok 2296 boux daibyauj camgya Ngeihcib Daih Dangj.

Boux daibyauj Ngeihcib Daih Dangj, dwg dingjmaenh yungh gij swhsiengj sevei cujyi miz daegsaek Cunghgoz seizdaih moq Siz Ginbingz guh dazyinx, dingjmaenh yungh dangjcangh guh gij ciuqei gaenbonj, dingjmaenh cunghcij singqcaet dangj, dingjmaenh caeuq gyagiengz dangj cienzmienh daiqlingx, cungfaen fat- yiengz ndaw dangj minzcuj, yiemzgek ciuq gij iugouz Dangjcunghyangh gvendaengz hong senj boux daibyauj, yungh gij banhfap daj laj daengz gwnz、gwnz laj giethab、fanfoek ngeixnaemj、caengz dem caengz senjleh senj okdaeuj.

Boux daibyauj senj ndaej cungj- daej hab diuzgen Dangjcunghyangh dingh, miz swhsiengj cwngci suciz haemq sang、cozfungh binjhingz ndei caeuq naengzlig lwnh saeh haemq ak, youq gak aen ganghvei guh’ok cingzcik yienhda, dwg boux maenh- ndei ndaw gungcanjdangjyenz; daibyauj gezgou caeuq faenbouh haemq hableix, gak hangh beijlaeh cungj hab Dangjcunghyangh iugouz, daibyauj ndaej vunz lai. Ndaw gyoengqde mboujdan miz dangjyenz lingjdauj ganbu, youh miz dangjyenz youq daih’it sienq guh hong, miz itdingh soq dangjyenz mbwk、dangj- yenz siujsoq minzcuz， miz boux daibyauj ginghci、gohgi、cwngfaz、gyauyuz、senhconz、vwnzva、veiswngh、dijyuz caeuq sevei guenjleix daengj gak aen gizdieg.

Gij swhgwz boux daibyauj cam- gya Ngeihcib Daih Dangj, daengzseiz lij aeu Aen Veijyenzvei Saemjcaz Swhgwz Daibyauj Ngeihcib Daih Dangj nyinhdingh.