原文（Hot sei 《Hwnj Laeuzgvancoz》 canghsei Dangzciuz Vangz Cihvan raiz）:

白日依山尽，

黄河入海流。

欲穷千里目，

更上一层楼。

译文（Ciuq hawj gauj bien gonq bien laeng fat）：

Daengngoenz roengz bya liux,

Vangzhoz riuz haij bae.

Siengj aeu muengh engq gyae,

Ndaej caiq hwnj caengz laeuz.

（宾阳县 Veiz Yujyungj /韦汝永）

Daengngoenz doek baihsae,

Vangzhoz lae roengz haij.

Raeuz yaek yawj ok gyaiq,

Couh caiq hwnj mbaek laeuz.

（良庆区 Cungh Swjmingz/钟自鸣）

Daengngoenz doek roengz bo,

Vangzhoz lae bae haij.

Yaek yawj gyae seiqgyaiq,

Vaiqvaiq hwnj dingj laeuz.

（西林县 Vangz Civeij/黄志伟）

Daengngoenz roengz raeb bya,

Dahvangzhoz lae roengz haij.

Naemj yawj bae gig gyae,

Hwnj caengz laeuz ceiq sang bae.

（平果市 Vangz Gozgvanh/黄国观）

Aen daengngoenz deb bangzbya ciemhciemh doek roengzbae, diuz Dahvangzhoz coh dahaij laefwdfwd. Yaek siengj yawjraen liux gingjsaek gizgyae, couh caiq aeu byaij hwnj caengz laeuz sang dem.

（平果市 Luz Lilanz/陆丽兰）

Daengngoenz doek bya sae,

Vangzhoz lae daihhaij.

Siengj yawj cienleix gyaiq,

Aeu caiq hwnj caengz laeuz.

（兴宾区 Hoz Cunghliuj/何宗柳）

Daengngoenz doek roengz bya,

Vangzhoz bongj bae haij.

Siengj ngonz engqgya gyae,

Lai bin it caengz laeuz.

（武宣县 Lungz Ging’yuz/龙庆煜）

Daengngoenz doek roengz bya,

Dahvangzhoz roengz haij.

Siengj muengh caenh daengz byai,

Yaek caiq hwnj caengz laeuz.

（武鸣区 Vangz Ginjyen/黄锦艳）

Daengngoenz ndoj haeuj bya,

Dahvangzhoz doh haij.

Yaek ndaej raen engq lai,

Caiq hwnj laeuz sang di.

（象州县 Cinz Yuz/覃 旭）

Daengngoenz doek roengz bya,

Dahvangzhoz roengz haij.

Yaek muengh cienleix gyaiq,

Lai bin hwnj mbaek laeuz.

（宾阳县 Lingz Sauvaz/凌少华）