“Deng ha.” Daxmeh hix nyinh- naeuz bohgoux gangj ndaej deng. Gou rox daxmeh gou ceiq lau oksaeh, bohgoux guh le baujcangj, daxmeh gou gwq youq gyanghwnz sing daemq hoedsubsub nam, dahraix, de daezok gij yigen caeuq daiq doxfanj:“Danghnaeuz de daegdaengq buet- deuz, baenzneix nanz lo, aiq de caeux couh buet daengz dieggyaiq gyawj yienh bae lo, bae gyawz gyaep ne?”

“O, baenzneix couh hawj boux- roengzfwngz buetdeuz lo? Aen bauj- cangj neix mwngz baenzlawz guh baenz yienghneix?” Daiq fatheiq lo, gij sing yied gangj yied sang, “danghnaeuz bouxboux cungj dwg yienghneix, lij miz maz ndei rwix caeuq deng loek?”

“Meh, mwngz gaej simgip ma!” Bohgoux mbouj miz banhfap yung mbaq naeuz, gou saenq de mbouj buetdeuz, de ndaej buet bae gyawz dem?”

“Buet haeuj gwnzbya bae ha! Baij vunz bae gij roen hwnj bya gyaep itdingh gaemh ndaej de.” Daiq lumj bouxciengq roengzlingh, gij vah giendingh lumj diet nei.

Hoeng, bohgoux mbouj dingq gij mingling bouxciengq, cij riuriu naeuz:“Buet haeuj gwnzbya? Mbouj dwg ba!”

“Hw, mbouj dingq gij vah gou, mwngz couh yawj ba.”

Daiq baez hozgaek, couh iet fwngz bae aeu doengzien, gou doq bae bang de coemh ceijdwkfeiz hawj de.

(caengz sat)