Mboengqneix, “angqcoux Ngeih- cib Daih danqhaenh seizdaih moq gemh bya lingz yiengj majbangh daeuj——aen canjyenj fwen cazmaj gujdau” youq Yinznanz Swngj Cangh- yenz Vajcuz Swciyen banh, hozdung dwg Cunghgoz Minzgenh Vwnzyoz Dahi Cuzbanj Gunghcwngz Lingjdauj Siujcuj Bangunghsiz、Cunghgoz Minzhez、Yinznanz Swngj Vwnzlenz cawjbanh. 《Fwen Raemj Fwnz》 Bunujyauz、《Ngeix Beix Ngoenz Dem Ngoenz》 diuh Nanzbanzgyangh Boux- cuengh Gvangjsih song aen cezmuz youq baez canjyenj neix oknaj.

Baez canjyenj neix aen cawjdaez dwg “seizdaih moq·ndwenngoenz moq·seiloh moq”, yienj ok haujlai cungj fwen. Cezmuz Gvangjsih camgya dwg fwenyoux Cuengh Yauz, ndawde 《Fwen Raemj Fwnz》 dwg mwh bouxcoz Yauzcuz hwnj bya gvej haz raemj fwnz doxdoiq eu, yienh’ok bouxcoz sai mbwk youq mwh raemj fwnz doxdaeuq、aeu fwen cienz cingz doxgyaez.

《Ngeix Beix Ngoenz Dem Ngoenz》 dwg naeuz gij ngeixnaemj caeuq doxgyaez sai mbwk dieg Nanz- banzgyangh. Song hot fwen youq canjyenj yienj ndaej ndei dangq- maz, langhbaij bouxcoz sai mbwk Bouxcuengh、Yauzcuz Gvangjsih yungh fwen cienz cingz caeuq gij cingz doxngeix, bouxyawj dangciengz haengjgyaez dangqmaz.

Ciuq cam rox, baez canjyenj neix muzdiz dwg coicaenh cienzswnj cienzboq conzdungj vwnzva maenh- ndei Cunghvaz caeuq fwen daihneix, gyagiengz langhbaij dinfwngz caeuq cienz hag gingniemh doxgyau boux- cienzswnj vwnzyi ndawbiengz, haeuj- coengh saenqhwng vwnzva laj- mbanj, coicaenh gij saehnieb vwnzva ndawbiengz gizdieg hwngfat mwn- hoengh.

(Gvangjsih Minzhez)