Mbauq:

Mbouj ngah gwn raemxmboq,

Do gwn raemx mbai canz,

Mbouj ngah ndaej caemh ranz,

Daeuj ndawmbanj doengz doih.

Sau:

Gwn couh gwn raemxmboq,

Mbouj do raemx mbai canz,

Bae couh bae caemh ranz,

Doek ndawmbanj hoj ngeix.

Mbauq:

Mbouj ngah gwn raemxmboq,

Do gwn raemx ndawnaz,

Mbouj ngah ndaej gapbaz,

Daeuj ndawgya doengz doih.

Sau:

Gwn couh gwn raemxmboq,

Mbouj do raemx ndawnaz,

Bae couh bae gapbaz,

Doek ndawgya hoj ngeix.

Mbauq:

Mbouj ngah gwn raemxmboq,

Do gwn raemx ndawmieng,

Mbouj ngah ndaej doxriengz

Daeuj caemh biengz doengz doih.

Sau:

Gwn couh gwn raemxmboq,

Mbouj do raemx ndawmieng,

Bae couh bae doxriengz,

Doek caemh biengz hoj ngeix.

Mbauq:

Mbouj ngah gwn raemxmboq,

Do gwn raemx congh rin,

Mbouj ngah ndaej gapcin,

Daeuj caemh singz doengz doih.

Sau:

Gwn couh gwn raemxmboq,

Mbouj do raemx congh rin,

Bae couh bae gapcin,

Doek caemh singz hoj ngeix.

Mbauq:

Mbouj ngah gwn raemxmboq,

Do gwn raemx laj fai,

Mbouj ngah ndaej caemh ngaiz,

Daeuj caemh gai doengz doih.

Sau:

Gwn couh gwn raemxmboq,

Mbouj do raemx laj fai,

Bae couh bae caemh ngaiz,

Doek caemh gai hoj ngeix.

Mbauq:

Mbouj ngah gwn raemxmboq,

Do gwn raemx laj laeuz,

Mbouj ngah ndaej doxaeu,

Daeuj caemh laeuz doengz aiq.

Sau:

Gwn couh gwn raemxmboq,

Mbouj do raemx laj laeuz,

Bae couh bae caemh caeuz,

Bae caemh laeuz hoj ngeix.