Mboengqneix, aen ci cuengqingj coq doxgaiq rimrwdrwd ndeu hai daengz Hocouh Si Cunghsanh Yen Liengzanh Yauzcuz Yangh Sahbingz Cunh. Aen ci ngamq haeuj mbanj, gyoengq lwgnyez couh humx gvaq- daeuj, cungj cam haemhneix cuengq gijmaz denyingj. Boux beixnuengx Yauzcuz ngamq sou hong dauqranz, mwh dingqnyi banhaemh cuengq benq Vahyauz 《Cibbet Dungcunh》《Ndiepgyaez Mbouj Gangj》, angq- yangz caeuq vunz ndaw mbanj naeuz:“Caezgya vaiq gwn caeuz, gwngak bae ra diegnaengh ndei yawj denyingj.”

Youq Mbanjyauz geqlaux neix guh aen hozdung cuengq denyingj “ciepcoux Ngeihcib Daih Dangj”, caenh’itbouh ciengqhwng aen yaem- wenq daeuz, saenqhwnj gij heiq saenz gyoengq vunzlai, cauh gij heiqfaenh ndei ciepcoux Ngeihcib Daih Dangj hai ndaej baenz. Sahbingz Cunh Diemj Sonhag Cazbaizdouz Cau Gingnen lauxsae naeuz:“Baez cuengqingj neix miz daegsaek lai, dou cungj raen angqyangz. Neix dwg gou ciuhvunz baez daih’it youq bakdou ranz yawj denyingj Vahyauz.”

Ciuq cam rox, daj hozdung hainduj doxdaeuj, aen si neix gaenq cuengq denyingj 1541 ciengz, vunzlai yawj 77000 lai vunzbaez, doenggvaq hozdung hawj gak minzcuz vunzlai yawj rox denyingj vah minzcuz, bang- rengz ginghci hwngfat caeuq saenq- hwng lajmbanj, bangrengz laebdaeb guh cauhlaeb minzcuz doxgiet baenaj, couqmaenh gij eiqsik caezcaemh Cunghvaz Minzcuz, vih cauhlaeb aen si yienghndei minzcuz doxgiet baenaj daengx guek gyarengz, ciepcoux Ngeihcib Daih Dangj hai ndaej baenz.

(Loz Genhcungh Cau Ginh- binh)