9 nyied 2 hauh, “Minzcuz Dox- giet Geizdangj Nding” Gwnzmuengx Cawjdaez Senhconz youz Cunghyangh Cujcizbu Bangunghdingh、Cujciz Ngeih Giz caeuq Cunghyangh Vangj- sinban Vangjloz Cienzboq Giz doxgap guh haenx youq Bwzswz Si Hainduj. Gicej Yinzminzvangj、Sinhvazvangj、Yanghsivangj daengj 11 aen meizdij gwnzmuengx cungdenj, yaek conz sim haeuj gij saeh gihcwngz dangjgen caeuq minzcuz doxgiet baenaj dieg minzcuz Gvangjsih, bae Bwzswz Si Cingsih Si、Nazboh Yen caeuq Cungzcoj Si Dasinh Yen、Bingzsiengz Si daengj dieg gihcwngz caijfangj diuyenz 4 ngoenz.

Baez gwnzmuengx cawjdaez senhconz neix, meizdij gicej yaek faen baenz song aen cuj bae caijfangj, bae caijfangj dangjyenz ganbu maenhndei caeuq gyoengq vunz senhcin denj- hingz, caijfangj dieg yienghndei minzcuz doxgiet、aenmbanj minzcuz miz daegsaek, haenqrengz gangj ndei gij gojgaeq gihcwngz dangjcujciz caeuq dangjyenz ganbu hengzguh sawjmingh goeknduj, haenqrengz gangj ndei gij gojgaeq minzcuz doxgiet huzyouq、bien’gyaiq maenhdwd onj- dingh、caemh sim hwnqguh aen loq- siengj Cungguek, lwnhgangj dujva minzcuz doxgiet Gvangjsih vihmaz baenzneix nding, dazyinx gak cuz dangjyenz ganbu ginzcung couqmaenh gij eiqsik caezcaemh Cunghvaz Minzcuz, dingjmaenh mbouj bienq riengz dangj byaij, vih Ngeihcib Daih Dangj hai ndaej baenz cauh heiqfaenh baklinx noengznwdnwd.

Dangguh aen dieg youqgaenj dieg minzcuz bien’gyaiq、dieg yienghndei minzcuz doxgiet baenaj daengx guek caeuq baihnamz guekcoj mwnhoengh onjdingh gyaeujvunz siujsoq minzcuz daengx guek ceiq lai, geij bi neix daeuj, Gvangjsih giengiet gvancez doeksaed gij lwnhgangj youqgaenj mizgven hwng bien fouq minz、minzcuz doxgiet baenaj Siz Ginbingz cungjsuhgi caeuq baenzroix iugouz guh bae youqgaenj naeuz hong Gvangjsih, fatok gijndei cujciz cuk- gaeuq bae, haenqrengz comzgyonj rengz cujciz, aeu dieg minzcuz bien’gyaiq hong dangjgen、 dwkhingz duetgungz gunggeng caeuq saenqhwng lajmbanj、guenjhanh binghraq daengj hong doxcaez maeuzveh、doxcaez doinyoengx, laebdaeb dwk ndei mbat gienz gyaebhab “giengz giek maenh bien”, yungh dangjgen caetliengh sang yinxlingx ginghci sevei dieg minzcuz bien’gyaiq hwngfat youh ndei youh vaiq.

Seizneix, daengx gih gak minzcuz ginghci hwngfat “doxbang”, dieg gvaq ndwenngoenz “doxsaeb”, cienzswnj vwnzva “doxyungz”, youq gwnz roen moq comz rengz caezhoz hwnqguh aen Gvangjsih gyaeundei sevei cujyi miz daegsaek Cungguek seizdaih moq, lumj ngveihsigloux nei gaenjndaet caemhyouq, gij eiqsik caezcaemh Cunghvaz Minzcuz yied couq yied maenh.(Lingz Cungh)