Mboengqneix, heiqcaijdiu 《Liuz Sanhcej Moq》 youq Ciet Yisuz Cung- guek Gaiq Daihcibsam oknaj caemh- caiq camgya bingz Ciengjvwnzva Gaiq Daihcibcaet, neix hix dwg bouh cozbinj Gvangjsih dandog ndaej senj- haeuj gaiq ciengjvwnzva neix. Bouh cozbinj neix dwg Gvangjsih Boux- cuengh Swcigih Senhconzbu、Gvangj- sih Bouxcuengh Swcigih Vwnzva Caeuq Lijyouz Dingh ok, Gvangjsih Higiyen cauhguh baizlienh.

Heiqcaijdiu《Liuz Sanhcej Moq》 swnjcienz hwngfat gij giek Gvangjsih Liuz Sanhcej vwnzva, yungh aen cawj- daez moq、vah moq、vunz moq、yienj moq、daizheiq moq, naeuz gij ndwen- ngoenz hoenghhwd Gvangjsih saenq- hwng lajmbanj, dwg bouh cozbinj neiyungz daihneix lwnhgangj lwg Mbanjcuengh daj vutgungz gunggeng daengz saenqhwng lajmbanj、doek- laeng byaij coh ndwenngoenz vuen- yungz gyaeundei bouxminz siengj- muengh de. Daj bi 2019 yienj baez nduj doxdaeuj, ginggvaq coihgaij hung 4 baez caeuq daezswng 30 lai baez, gungh yienj 81 ciengzbaez, camgya lai aen hozdung yienj heiq hungnaek guekgya gvaq.

Boux bingzlwnh okmingz Mauz Sizanh haenh naeuz:“Heiqcaijdiu 《Liuz Sanhcej Moq》 hawj gij vwnzva cienzdoengj gaeuqgeq ginggvaq daih- neix yienj le dauqcungz ndaej seng- mingh. Doengzseiz hix hawj bouxyawj yawjraen lajmbanj Cungguek, daeg- bied dwg gij yiengh lajmbanj Gvangj- sih ginggvaq vutgungz gunggeng le hwngfoedfoed. De cauh le gij yiengh gyoengq bouxcoz miz heiq seizdaih、cingsaenz gvaekgvaek、vih hwnqguh lajmbanj moq sevei cujyi miz daeg- saek Cungguek okrengz.”

Boux daujyenj Gungh Yaujdungh naeuz, cauhguh heiqcaijdiu 《Liuz Sanhcej Moq》 dangguh daiz heiq daih’it ciet yisuz Cungguek youq Denhginh yienj, hawj siminz Denhginh haeujgyawj roxyiuj caeuq roxnyinh aen minzcuz youq ndaw fwen gvaq ndwenngoenz, hawj gij sing fwen baihnamz youq gwnzmbwn dah haij rwenzhap.

(Ciengj Linz)