8 nyied 25 hauh, youq mwh Swcigih Fulenz laebbaenz 70 hopbi, Swcigih Dangjveij suhgi、Swcigih Yinzda Cangzveijvei cujyin Liuz Ningz, Daengx Guek Fulenz faenbied fak saenq daeuj cukhoh, caensim camndei gyoengq mehmbwk daengx gih.

Liuz Ningz naeuz, 70 bi dox- daeuj, Swcigih Fulenz itloh dingj- maenh “Dangj baez iuheuh、fulenz doq hengzdoengh”, cungfaen fatok gij ciznwngz daiqlingx fugsaeh lienzhaeh, hopheux daihbuenz caenh rengz guh- hong, hwnqguh sevei cujyi caeuq gaijgwz hwngfat miz cozyung youq- gaenj “byonghmbiengj mbwn”. Daeg- bied dwg Cibbet Daih Dangj doxdaeuj, Swcigih Fulenz dingjmaenh aeu gij swhsiengj sevei cujyi miz daegsaek Cungguek seizdaih moq Siz Ginbingz guh vixyinx, dazyinx gyoengq meh- mbwk daengx gih geiqmaenh vah- daengq Siz Ginbingz cungjsuhgi, giengiet gvancez gij anbaiz baijbouh Swcigih Dangjveij、Cwngfuj, vih gak hangh saehnieb hawj bouxminz baenzmiz Gvangjsih hoenghhwd ok rengz ok dungxcaiz. Seizneix, gih raeuz gaenq hainduj roen moq Gvangjsih cienzmienh hwnqguh sevei cujyi yendaiva. Maqmuengh daengx gih gak gaep fulenz cujciz haeujlaeg roxyiuj gij yiyi gietdingh “song aen dinghlaeb”, guh daengz “song aen henhoh”, haeujlaeg gvancez doeksaed gij lwnhgangj youqgaenj gvendaengz mehmbwk caeuq hong mehmbwk Siz Ginbingz cungjsuhgi, mboujduenh doinyoengx fulenz gaijgwz coh laeg coh ndaw, gvangqlangh yinx gyoengq mehmbwk gvaqdaeuj、comzgyonj hwnjdaeuj. Yungh ndei aen hozdung baenzroix “sim mehmbwk coh Dangj angqcoux Ngeihcib Daih”, doxgiet daiqlingx gyoengq mehmbwk daengx gih gaenndaet bouxlingxdaeuz fuk- hwng hungmbwk haenqrengz gaenx- guh, hawj lai raen miz lizsij cwzyin caeuq cingsaenz boux danggya, gaenj- ndaet hopheux aen dijhi moegbiu yinvu “1+1+4+3+N” hwnqguh aen Gvangjsih gyaeundei, gaenxmaenx ok rengz hwnqguh ginghci、haicuengq yinxlingx、cauhmoq cauhnieb、saenq- hwng lajmbanj、gaijgwz hwngfat onjdingh daengj gak hangh saehnieb, vih comz rengz caezhoz hwnqguh aen Gvangjsih gyaeundei sevei cujyi miz daegsaek Cungguek seizdaih moq ok rengz mehmbwk、ciep raiz gij yungz- daeuz moq, yungh hengzdoengh saed- saeh ciepcoux Ngeihcib Daih Dangj hai ndaej baenz.

Daengx Guek Fulenz youq ndaw saenq haengjdingh Swcigih Dangjveij caeuq Cwngfuj liglaiz yawjnaek gij saehnieb mehmbwk lwgnyez、nyinh- caen gvancez doeksaed sai mbwk doxlumj aen gozcwz gihbwnj、mbouj- duenh gyalai rengz haeujcoengh hong fulenz caeuq fulenz gaijgwz, haenh mehmbwk Gvangjsih dwg gij rengz youqgaenj doinyoengx dieg minzcuz bien’gyaiq ginghci sevei hwngfat youh ndei youh vaiq、Gvangjsih gak gaep fulenz cujciz dwg aengiuz caeuq diuzsai Dangj lienzhaeh gyoengq mehmbwk, maqmuengh Gvangjsih gak gaep fulenz cujciz dingjmaenh aeu gij swhsiengj sevei cujyi miz daegsaek Cungguek seizdaih moq Siz Ginbingz guh vixyinx, gyagiengz yinxlingx fugsaeh lienzhaeh, doxgiet dungyenz gyoengq mehmbwk gaenxguh baenaj、doxgiet buekguh, vih haenqrengz raiz biencieng moq guekgya cienzmienh hwnqguh sevei cujyi yendaiva、saed- yienh aen loqsiengj Cungguek Cungh- vaz Minzcuz fukhwng hungmbwk ok rengz engq lai.

(Liuz Li)