8 nyied 20 hauh daengz 21 hauh, Yinznanz Giuhbwz Yen Cang- yozvei guh “coux Ngeihcib Daih Aendangj · hag vahcoj sawcoj · coicaenh minzcuz doxgiet”bi 2022 geiz daihhaj ban goeng’ik sonlienh Sawcuengh. Samcib lai boux beixnuengx Bouxcuengh Giuhbwz Yen、Sihcouz Yen caeuq Yensanh Yen doxcomz giz ndeu, dingq lauxsae Luz Swnghyungz gangj baenzlawz sij Sawcuengh daengj, caiq eu fwen Vahcuengh dem. Baez hozdung neix langhbaij le vwnzva cienzdoengj minzcuz, bang gyoengqvunz engq ndei bae aeu Sawcuengh geiq fwen、vahsug、gojgaeq caeuq raiz saw, coicaenh raxgouq、henhoh、ciepcienz caeuq yenzgiu Sawceungh Vah- cuengh.（Vangz Fung/王 凤 Hoz Gizvah/何菊花）