Mboengqneix, Daihcibseiq Geiz Daengx Guek Gak Minzcuz Bouxcoz Nyezrauh Dungzsinhyingz （Gvangjsih Fwnhyingz） Hozdung “Cunghvaz Minzcuz ranz caen ndeu doengzsim angqcoux Ngeihcib Daih” youz Gunghcinghdonz Bwzswz Siveij caeuq Bwzswz Si Minzcunghveij cawjbanh haenx youq Bwzswz guhsat.

Hozdung cawjdaez dwg “couq- maenh gij eiqsik caezcaemh Cunghvaz Minzcuz”, 50 boux bouxcoz nyezrauh 8 aen minzcuz daengx gih bae yawjngonz Bwzswz Gijyi Geiqniemh- guenj、Yougyangh Minzcuz Boz- vuzgvanj、Bwzswz Yozyen Bozvuzgvanj daengj dieg saekhoengz, caemhcaiq youq Dieggaeuq Cungguek Gungh- nungz Hungzginh Daihcaet Ginh、Baksoq Bwzswz、Dieggaeuq Denz- dungh Yen Suhveizaih Cwngfuj daengj dieg guh hozdung daejniemh minzcuz vwnzva, doenggvaq san haizcauj、guh muhmeh、doxdax dwkgyangq、mbaet makgai daengj, hawj gyoengq sau- senhduiyenz gak cuz caezcaemh roxnyinh gij vwnzva daegsaek dieglaux gwzming Bwzswz, gyalai nyinhdoengz cingz minzcuz doxgiet, hawj caezgya lai dox baedauq doxgyau doxyungz.

Ciuq cam rox, dungzsinhyingz hozdung dwg aen hanghmoeg binjbaiz gyauyuz minzcuz doxgiet bouxcoz nyezrauh daengx guek ndeu, muzdiz dwg dap aen bingzdaiz hawj hagseng gak minzcuz doxgyau、majhung, vih coicaenh bouxcoz nyezrauh gak minzcuz dox baedauq doxgyau dox- yungz, couqmaenh gij eiqsik caez- caemh Cunghvaz Minzcuz gunghawj gaiqdap ndei, hawj bouxcoz nyezrauh gak cuz gyalai nyinhdoengz aen guekcoj hungmbwk、Cunghvaz Minz- cuz、Cunghvaz vwnzva、Cungguek Gungcanjdangj、sevei cujyi miz daegsaek Cungguek.

(Vuj Cunghgoz)