8 nyied 21 hauh, Swcigih Dangjveij suhgi、Swcigih Yinzda Cangzveijvei cujyin Liuz Ningz youq Nanzningz Si Sanglinz Yen, diuyenz hwnqguh aen hanghmoeg hung、hwngfat gizdieg ginghci、doinyoengx saenqhwng lajmbanj daengj, giengz- diuh aeu gyalai roxyiuj gij yiyi gietdingh “song aen dinghlaeb”, giengiet guh daengz “song aen henhoh”, cienzmienh gvancez doek- saed gij cingsaenz gangjvah youqgaenj “4·27” Siz Ginbingz cungjsuhgi cazyawj Gvangjsih caeuq gij iugouz cijsi youqgaenj naeuz hong Gvangjsih, caezcienz、cinjdeng、cienzmienh gvancez gij leixniemh hwngfat moq, doeksaed gij iugouz youqgaenj “binghraq aeu fuengz ndaej、ginghci aeu onj ndaej、hwngfat aeu ancienz”, hwngfat guhhung canjyez miz daegsaek, doinyoengx ginghci gizdieg hwngfat youh ndei youh vaiq, haenq- rengz gyamaenh gya’gvangq ndei gij cwngzgoj vutgungz gunggeng, cienz- mienh doinyoengx saenqhwng laj- mbanj, netsaed doinyoengx caez- caemh baenzmiz, dungjcouz guh ndei gaemhanh binghraq caeuq hwngfat ginghci aenbiengz, yungh hengz- doengh saedsaeh ciepcoux Ngeihcib Daih Aendangj hai ndaej baenz.

Sanglinz Yen Cunghhoz Siengbau Mizhanh Gunghswh dwg aen giyez comz guh daehdajcang、daehraek、daehdennauj、daehlijhingz、habcaw- bauj daengj, seizneix youq Sanglinz Yen 4 aen yanghcin dieg comz anceiq miz aen cehgenh bangfuz. Liuz Ningz giengzdiuh, Sanglinz Yen dwg aen yienh gungzhoj guekgya gaxgonq dingh, aeu gyamaenh gya’gvangq gij cwngzgoj vutgungz gunggeng baij youq dieg daih’it, fatok gij cozyung daiqdoengh aen giyez lingxdaeuz, youq bakdou ranz cauh engqlai gihvei guhhong, hawj vunzlai youq bakdou ranz couh ndaej guhhong ra ngaenz. Aeu gaenxmaenx gya’gvangq dieg moq hwngfat canjyez lajmbanj, gungganq guhhung gij canjyez hawj gizdieg baenzmiz, doinyoengx gyamaenh gya’gvangq gij cwngzgoj vutgungz gunggeng caeuq saenqhwng lajmbanj doxciep ndeindi, vih doinyoengx cienzmienh saenqhwng lajmbanj, saedyienh nungzyez nungz- cunh yendaiva gunghawj cengjdingj maenhsaed.

Sanglinz dwg aen dieg souhlaux seiqgyaiq、aen yienh yienghndei hwnqguh guekgya swnghdai vwnz- mingz、aen yienh okmingz lijyouz miz daegsaek Gvangjsih, ndaej haenh baenz “suenva laeng ranz” Nanzningz, swnghdai lijyouz swhyenz lai. Youq Dalungzhuz, Liuz Ningz daengz dieg cazyawj roxyiuj dangdieg swnghdai vanzging baujhoh ndaej baenzlawz yiengh, giengzdiuh aeu dingjmaenh swnghdai youq gonq、hwngfat saekheu, cungfaen yungh ndei gij bya dah daegbied gagmiz dangdieg, haenq- rengz hwngfat canjyez swnghdai saekheu, roengzrengz doinyoengx hwngfat saekheu hamj ok yamqdin moq, hawj bouxminz lai raen ndaejleih、raen vuenyungz、raen ancienz.

(Cinz Yizcwz)