原文（Hot saw daj 《Raeblaeng Daxboh》 aeu）：

我看见他戴着黑布小帽，穿着黑布大马褂，深青布棉袍，蹒跚地走到铁道边，慢慢探身下去，尚不大难。可是他穿过铁道，要爬上那边月台，就不容易了。他用两手攀着上面，两脚再向上缩；他把肥胖的身子向左微倾，显出努力的样子。这时我看见他的背影，我的泪很快地流下来了。

译文（Ciuq douzgauj bien gonq bien laeng fat）：

Gou yawjraen de daenj aen mauh baengz ndaem, diuz buhmbangjmbaek ndaem loengz- bangbang, geu buhboemz oatat ndeu, saemxsax dwk byaij daengz henz dietloh, menhmenh iet ndang roengzbae, lij mbouj hoj geijlai. Hoeng de ndonj gvaq dietloh, yaek benz hwnj aen yezdaiz baihhaenx bae, couh mbouj ngaih lo. De aeu song fwngz banq youq gwnz de, song ga caiq suk doxhwnj; de dawz aen ndang bizbang haenx yiengq baihswix loq nyeng, hawj vunz roxnyinh de dwgrengz lai. Seizneix gou yawjraen baihlaeng de, raemxda gou doq rih roengzdaeuj lo.

（武鸣区 Vangz Ginjyen/黄锦艳）

Gou yawjraen de daenj aen mauh baengz ndaem iq ndeu, daenj geu buhcapaek ndaem hung he, buhmienz baengz saekcamz, saemxsax dwk byaij daengz henz dietloh, menhmenh ndenq ndang roengzbae, lij mbouj daih nanz. Hoeng de ndonj gvaq dietloh, yaek benz hwnj camhdaiz mbiengj haenx, couh mbouj yungzheih lo. De song faj fwngz benz coh baihgwnz, song cik din caiq suk doxhwnj; de dawz aen ndang bizbwd haenx nyeng coh mbiengjswix bae, yawj dwk haemq dwgrengz. Seizneix yawjraen baihlaeng de, raemxda gou couh fwt dwk lae roengzdaeuj lo.

（西林县 Lij Ciuhbingz/李秋萍）

Gou raen de daep aen mauh ndaem ndeu, daenj geu buhgap ndaem, geu buhraez ceb, conhco byaij daengz bangxhenz dietloh. De menhmenh nyengq ndang roengzbae, mbouj sinhoj geijlai. Danhseih de ndonj gvaq dietloh bae, yaek benz hwnj mbiengjbaih aen daiz bae, couh mbouj yungzheih lo. De aeu song fwngz rex baihgwnz, song din suk doxhwnj, aen ndang biz de nyengq gvaq baihswix di he, lumjnaeuz gig roengzrengz ityiengh. Gou yawjraen ngaeuzlaeng de, raemxda couh lae roengzdaeuj lo.

（平果市 Luz Lilanz /陆丽兰）

Gou raen de daep aen mauh baengz ndaem ndeu, daenj geu buhcapaek ndaem, geu buhfaiq o’ngaungau raez ndeu, saemxsaemx saxsax byaij daengz henz dietloh, vaehvaeh lij goemz roengz bae. Hoeng de vang gvaq dietloh, yaek bin hwnj aen yezdaiz baihhaenx, couh dwgrengz lo. De song fwngz goj baihgwnz, song ga suk hwnjdaeuj；ngeng aen ndang bizbwd gvaq baihswix bae, yienghceij lumjbaenz gig dwgrengz. Seizneix gou yawjraen baihlaeng de, raemxda fwt gag conh okdaeuj.

（良庆区 Sez Ginhlungz/谢金龙）

Gou yawjraen de daenj aen mauh baengz ndaem, geu buhmajgva baengzfonx, geu buhfaiq camz laeg haenx, saemxsax byaij daengz henz dietloh, menhmenh iet ndang roengzbae, mbouj suenq daiq nanz. Hoeng de ndonj gvaq dietloh, aeu benz hwnj yezdaiz baihhaenx, couh mbouj yungzheih lo. De aeu song fwngz raeuz baihgwnz, song ga caiq suk doxhwnj; de dawz aen ndang biz haenx ngeng gvaq baihswix, lumj cibfaen okrengz ityiengh. Seizneix yawjraen baihlaeng de, raemxda gou couh lae roengzdaeuj lo.

（西林县 Vangz Civeij/黄志伟）

Gou yawjraen de gyaeuj daenj aen mauh baengz ndaem iq, gwnzndang daenj geu buhcapaek baengz ndaem raez ndeu, baihrog caiq daenj geu buhmienz saeko laeg, saemxsax byaij daengz henz dietloh, menhmenh nod aen ndang de roengzbae, yienghneix mbouj suenq nanz. Hoeng, de con gvaq dietloh, aeu bin hwnj doiqnaj candaiz, couh mbouj yungzheih lo. De yungh song fwngz goj baihgwnz, song din caiq yiengq baihgwnz suk; de dawz aen ndang bizbwdbwd loq ngeng baihswix, yawjraen gig dwgrengz. Seizneix, gou yawjraen baihlaeng de, raemxda gig vaiq couh lae okdaeuj lo.

（武宣县 Lungz Ging’yuz/龙庆煜）

Gou yawjraen de daep aen mauh baengz ndaem, daenj geu buhcapaek ndaem loengz ndeu, buhfaiq saeko, cunqcae byaij daengz henz dezdau, menhmenh goemz roengzbae, lij mbouj suenq nanz. Hoeng de con gvaq dezdau, siengj benz hwnj aen daiz baihhaenx, couh mbouj yungzheih lo. Song fwngz de rex baihgwnz, song din caiq suk doxhwnj; caiq dawz aen ndang bizbwd de coh baihswix, yienh’ok gij yienghceij roengzrengz daeuj. Mwhneix gou yawjraen baihlaeng de, raemxda gig vaiq couh lae roengzdaeuj lo.

（扶绥县 Lij Yen/李 艳）

Gou yawjraen de daenj aen mauh baengz ndaem ndeu, daenj geu buhcapaek baengz ndaem hung he, ndawde dwg geu buhbauz raez baengzfaiq saek ndaem ndeu, ndukndek byaij daengz henz roendiet, menhmenh cuengq ndang roengzbae, mbouj suenq gwnrengz. Hoeng, byaij gvaq roendiet yaek bin hwnj gwnz diegcajci baihhaenx couh hojguh lo. De song fwngz raeuz baihgwnz, song ga suksou hwnjbae, aen ndang bizbwd de ngengqcoh baihswix di ndeu, yienh ndaej gig roengzrengz. Seizneix gou raen aen ngaeuzlaeng de, raemxda gig vaiq couh rih okdaeuj lo.

（田阳区 Lingz Siuyangh/凌秀香）

Gou yawjraen de daenj aen mauh baengz ndaem iq, daenj meh buhdaeux laux baengz ndaem, geu buhbauzmienz baengz camz haenx, ndukndek byaij daengz henz dietloh, hoihhoih iet ndang roengzbae, lij mbouj dwgrengz lai. Hoeng de con gvaq dezdau, yaek bin hwnj aen camh hojceh baihhaenx bae, couh mbouj yungzheih lo. De aeu song fwngz benz youq baihgwnz, song din caiq suk coh baihgwnz; de dawz gij ndang bizbwdbwd haenx yiengq bae baihswix, yienh’ok gij yienghceij roengzrengz de. Seizneix gou yawjraen baihlaeng de, gij raemxda gou gig vaiq couh doek roengzdaeuj lo.

（大化瑶族自治县 Veiz Sezyenz/韦雪妍）