Diuz hajbak ngeihcib roek Bouxnangqsaeh dox dawzcaiq，gangj ndei bouxlawz boiz gonq ne，mbiengj wngdang boiz gonq de caengz boiz ne，mbiengj laeng boiz miz gienz doi mbouj ciepsouh gij cingjgouz boiz caiq de. Mbiengj wngdang boiz gonq caiq mbouj hab iekdingh ne，mbiengj doeklaeng boiz miz gienz doi mbouj ciepsouh gij cingjgouz boiz caiq doxwngq de.

Diuz hajbak ngeihcib caet Bouxnangqsaeh wngdang boiz caiq gonq haenx，miz yiengh baengzgawq caen dahraix cingqmingz doiqfueng miz saek yiengh lajneix ne，ndaej dingzduenh boiz caiq：

（It）Ginghyingz bienq rwix youq- gaenj；

（Ngeih）Senj deuz caizcanj、yut- deuz cienzgoek，aeu neix ndojdeuz dawzcaiq；

（Sam）Saet bae gij saenqyungh caeuq mingzdaeuz guh seng’eiq；

（Seiq）Miz gij yienghsaeh wnq saet bae roxnaeuz aiq saet bae naengzlig boiz caiq.

Bouxnangqsaeh mbouj miz yiengh baengzgawq caen dahraix couh dingzduenh boiz caiq ne，wngdang rapdawz cwzyin byonjbak.

Diuz hajbak ngeihcib bet Bouxnangqsaeh gaengawq gij gvidingh diuz gonq dingzduenh boiz caiq ne，wngdang gibseiz naeuz hawj doiqfueng rox. Doiqfueng daezhawj damqbauj habdangq ne，wngdang hoizfuk boiz caiq. Dingzduenh boiz caiq gvaqlaeng，doiqfueng youq ndaw geizhanh hableix caengz ndaej hoizfuk naengzlig boiz caiq caemhcaiq mbouj daezhawj damqbauj habdangq ne，yawj baenz yungh gij yienghsaeh bonjfaenh bae guh haenx biujmingz mbouj hengzguh gij yivu youqgaenj，mbiengj dingz- duenh boiz caiq de ndaej gejcawz habdoengz caemhcaiq ndaej cingjgouz doiqfueng rapdawz cwzyin byonjbak.

Diuz hajbak ngeihcib gouj Bouxcuengqcaiq faenlaeb、gyonj- gyoeb roxnaeuz bienqdoengh diegyouq mbouj naeuz hawj bouxdawzcaiq rox，hawj boiz caiq hojnanz ne，boux- dawzcaiq ndaej dingzduenh boiz caiq roxnaeuz aeu huqbiu bae dingjdawz.

Diuz hajbak samcib Boux- cuengqcaiq ndaej doi mbouj ciepsouh bouxdawzcaiq daezgonq boiz caiq，hoeng cawz ok daezgonq boiz caiq mbouj sonjhaih daengz gij leih’ik bouxcuengqcaiq.

Gij cienzyungh bouxdawzcaiq daezgonq boiz caiq cix hawj boux- cuengqcaiq deng demlai haenx，youz bouxdawzcaiq rapdawz.

Diuz hajbak samcib it Boux- cuengqcaiq ndaej doi mbouj ciepsouh bouxdawzcaiq boiz mbangj ngaenz- caiq，hoeng cawz ok boiz mbangj ngaenzcaiq mbouj sonjhaih daengz gij leih’ik bouxcuengqcaiq.

Gij cienzyungh bouxdawzcaiq boiz mbangj ngaenzcaiq cix hawj bouxcuengqcaiq deng demlai haenx，youz bouxdawzcaiq rapdawz.

Diuz hajbak samcib ngeih Habdoengz suenqsoq le，bouxnangq- saeh mbouj ndaej aenvih singqcoh、mingzcoh miz gaijbienq roxnaeuz bouxdaibyauj fapdingh、bouxfucwz、bouxciepbanh miz bienqdoengh cix mbouj hengzguh gij yivu ndaw habdoengz.

Diuz hajbak samcib sam Habdoengz laebbaenz le，gij diuzgienh aen giek habdoengz miz yiengh bienqvaq hungnaek bouxnangqsaeh youq mwh habdoengz dinghlaeb mbouj miz banhfap liuhdaengz、mbouj gvihaeuj yiengh fungyiemj seng’eiq haenx，danghnaeuz laebdaeb hengz- guh habdoengz doiq mbiengj boux- nangqsaeh ndeu mingzyienj mbouj goengbingz，bouxnangqsaeh deng yingjyangj mbouj leih haenx ndaej caeuq doiqfueng dauqcungz doxyaeng；youq ndaw geizhanh hableix doxyaeng mbouj roengz ne，bouxnangqsaeh ndaej cingjgouz yinzminz fazyen roxnaeuz aen gihgou buenqdingh bienqdoengh roxnaeuz gejcawz hab- doengz.

Yinzminz fazyen roxnaeuz aen gihgou buenqdingh wngdang giethab gij cingzgvang caensaed anqgienh，gaengawq aen yenzcwz goengbingz bae bienqdoengh roxnaeuz gejcawz hab- doengz.

Diuz hajbak samcib seiq Doiq bouxnangqsaeh leihyungh habdoengz hengz gij saeh sienghaih leih’ik guekgya、leih’ik ndawbiengz caez- caemh ne，aen bouhmonz guenjleix gamduk hawciengz caeuq aen bouh- monz hingzcwng cawjguenj mizgven wnq ciuq gij gvidingh faplwd、fapgvi hingzcwng fucwz gamduk cawqleix.

Cieng Daihhaj

Baujcienz Habdoengz

Diuz hajbak samcib haj Aenvih bouxdawzcaiq gik bae hengz gij gienzcaiq swhgeij caeuqlienz gij gienzleihnga caeuq gaiq gienzcaiq neix mizgven haenx，yingjyangj daengz bouxcuengqcaiq ndaej guhbaenz gij gienzcaiq daengz geiz，bouxcuengq- caiq ndaej bae yinzminz fazyen cingjgouz yungh aen mingzdaeuz swhgeij，dingjfaenh bouxdawzcaiq doiq bouxdoxdoiq hengzguh gienzleih，hoeng cawz ok yiengh gienzleih neix dan ndaej gvihawj bouxdawzcaiq bonjndang.

Aen gvaengh hengz gienzdingj- faenh aeu gij gienzcaiq daengz geiz bouxcuengqcaiq guh gyaiqhanh. Gij cienzsawj bouxcuengqcaiq hengz gienzdingjfaenh aeu yungh haenx，youz bouxdawzcaiq ok.

Bouxdoxdoiq dingjbuek boux- dawzcaiq，ndaej yiengq bouxcuengq- caiq daezok.

Diuz hajbak samcib roek Gij gienzcaiq bouxcuengqcaiq daengz geiz gaxgonq，gij gienzleih bouxdawzcaiq miz gij yienghsaeh mboengq mizyauq dajgauq couh yaek rim roxnaeuz caengz gibseiz bae byaengqgangj gienzcaiq loemqbaih daengj，yingj- yangj daengz bouxcuengqcaiq ndaej boiz ne，bouxcuengqcaiq ndaej dingjfaenh yiengq bouxdoxdoiq duh bouxdawzcaiq cingjgouz de boiz hawj bouxdawzcaiq、sinhbau hawj boux- guenjleix loemqbaih roxnaeuz guh gij yienghsaeh wnq itdingh aeu miz haenx.

Diuz hajbak samcib caet Danghnaeuz yinzminz fazyen nyinh- dingh gienzdingjfaenh ndaej laeb- baenz，youz bouxdoxdoiq duh boux- dawzcaiq de hengzguh yivu boiz hawj bouxcuengqcaiq，bouxcuengq- caiq ciepsouh boiz caiq le，gij gienzleih yivu doxwngq ndawgyang bouxcuengqcaiq caeuq bouxdawzcaiq、bouxdawzcaiq caeuq bouxdoxdoiq couh satdingz. Gij ngaenzcaiq rox- naeuz gij gienzleihnga caeuq aen ngaenzcaiq neix mizgven duh boux- dawzcaiq doiq bouxdoxdoiq haenx deng yungh yiengh guhfap baujcienz、caephengz，roxnaeuz bouxdawzcaiq loemqbaih，ciuq gij gvidingh faplwd mizgven cawqleix.

Diuz hajbak samcib bet Boux- dawzcaiq yungh gij guhfap vut aen gienzcaiq de bae、vut bae gienzcaiq damqbauj、hawj hoengq cienjnyiengh caizcanj daengj cawqleix gij gienzik caizcanj，roxnaeuz guhdoeg gyaraez geizhanh hengzguh gij gienzcaiq daengz geiz，yingjyangj boux- cuengqcaiq ndaej boiz ne，boux- cuengqcaiq ndaej cingjgouz yinzminz fazyen siu gij guhfap bouxdawzcaiq bae.

第五百二十六条  当事人互负债务，有先后履行顺序，应当先履行债务一方未履行的，后履行一方有权拒绝其履行请求。先履行一方履行债务不符合约定的，后履行一方有权拒绝其相应的履行请求。

第五百二十七条  应当先履行债务的当事人，有确切证据证明对方有下列情形之一的，可以中止履行：

（一）经营状况严重恶化；

（二）转移财产、抽逃资金，以逃避债务；

（三）丧失商业信誉；

（四）有丧失或者可能丧失履行债务能力的其他情形。

当事人没有确切证据中止履行的，应当承担违约责任。

第五百二十八条  当事人依据前条规定中止履行的，应当及时通知对方。对方提供适当担保的，应当恢复履行。中止履行后，对方在合理期限内未恢复履行能力且未提供适当担保的，视为以自己的行为表明不履行主要债务，中止履行的一方可以解除合同并可以请求对方承担违约责任。

第五百二十九条  债权人分立、合并或者变更住所没有通知债务人，致使履行债务发生困难的，债务人可以中止履行或者将标的物提存。

第五百三十条  债权人可以拒绝债务人提前履行债务，但是提前履行不损害债权人利益的除外。

债务人提前履行债务给债权人增加的费用，由债务人负担。

第五百三十一条  债权人可以拒绝债务人部分履行债务，但是部分履行不损害债权人利益的除外。

债务人部分履行债务给债权人增加的费用，由债务人负担。

第五百三十二条  合同生效后，当事人不得因姓名、名称的变更或者法定代表人、负责人、承办人的变动而不履行合同义务。

第五百三十三条  合同成立后，合同的基础条件发生了当事人在订立合同时无法预见的、不属于商业风险的重大变化，继续履行合同对于当事人一方明显不公平的，受不利影响的当事人可以与对方重新协商；在合理期限内协商不成的，当事人可以请求人民法院或者仲裁机构变更或者解除合同。

人民法院或者仲裁机构应当结合案件的实际情况，根据公平原则变更或者解除合同。

第五百三十四条  对当事人利用合同实施危害国家利益、社会公共利益行为的，市场监督管理和其他有关行政主管部门依照法律、行政法规的规定负责监督处理。

第五章  合同的保全

第五百三十五条  因债务人怠于行使其债权或者与该债权有关的从权利，影响债权人的到期债权实现的，债权人可以向人民法院请求以自己的名义代位行使债务人对相对人的权利，但是该权利专属于债务人自身的除外。

代位权的行使范围以债权人的到期债权为限。债权人行使代位权的必要费用，由债务人负担。

相对人对债务人的抗辩，可以向债权人主张。

第五百三十六条  债权人的债权到期前，债务人的债权或者与该债权有关的从权利存在诉讼时效期间即将届满或者未及时申报破产债权等情形，影响债权人的债权实现的，债权人可以代位向债务人的相对人请求其向债务人履行、向破产管理人申报或者作出其他必要的行为。

第五百三十七条  人民法院认定代位权成立的，由债务人的相对人向债权人履行义务，债权人接受履行后，债权人与债务人、债务人与相对人之间相应的权利义务终止。债务人对相对人的债权或者与该债权有关的从权利被采取保全、执行措施，或者债务人破产的，依照相关法律的规定处理。

第五百三十八条  债务人以放弃其债权、放弃债权担保、无偿转让财产等方式无偿处分财产权益，或者恶意延长其到期债权的履行期限，影响债权人的债权实现的，债权人可以请求人民法院撤销债务人的行为。

（34 caengz sat）

（壮文稿由中国民族语文翻译局提供）