Gojgaeq Iq Gvangjsih Minzcuz Doxgiet Baenaj Bi 1958, vih bangcoengh hong- goeng Guengjsae hwngfat, Cungh- yangh dingh daj dieggiek honggoeng laux laeng henzhaij caeuq baihbaek laebdaeb senj buek giyez gungh- gvang daengz Liujcouh.

Liujcouh Ganghdezcangj、Liuj- couh Dungliz Gihgai Cangj、Liujcouh Lenzhoz Gihgai Cangj、Liujcouh Vagunghcangj、Liujcouh Suijniz- cangj、Liujcouh Yezdencan、Liujbwz Suijcangj、Liujcouh Daihngeih Vagungh Cangj caeuq Liujgyangh Caucijcangj daengj cib aen hangh- moeg youqgaenj gonqlaeng haiguh. Gak cuz boux gunghcwngz gisuz caeuq bouxguenjleix caeuq vunz- ndawranz buek dem buek daj Sanghaij、Dunghbwz daengj dieg bae daengz Liujcouh, an’gya henz- guek, fouzsei okrengz hwngfat Guengjsae. Ngaenz、doxgaiq、vunz daengj cungj gig noix, hoeng, gyoengqde cungj haebheuj guh, caezhoz comz rengz hwnqguh henzguek. Miz daengx guek lwgminz bangcoengh, Liujcouh laebdaeb cauh’ok daiz daih’it aen gih coq- hwnj yendaiva aeu bae vat doem caeuq rin youh miz roux、aen gih coqhwnj cang ndaej ceiq naek ceiq lai、aen gih haivat miz ngeihcib dun gaep daengx seiqgyaiq daih’it youh caenh yungh den daengj aendaeuz guekgya. Liujcouh caemh menhmenh bienqbaenz aen hawsingz hong- goeng daih’it Guengjsae、 daih- sam daengx guek.

（Gvangjsih Minzcuz Yenzgiu Cunghsinh hawj gauj）