Sinhvazse Baekging 8 nyied 14 hauh dienh Cunghgung Cunghyangh cungjsuhgi、guekgya cujsiz、Cungh- yangh Ginhveij cujsiz Siz Ginbingz 8 nyied 13 hauh hoiz saenq hawj Lij Beizswngh、Huz Yaujcunh bouxvunz guhhong Dieg Funghgingj Byavangz- sanh Anhveih, maqmuengh gyoengqde laebdaeb guh’ok gij cozyung yiengh- ndei “vunzndei Cungguek”.

Siz Ginbingz youq ndaw saenq naeuz, gyoengqsou daengx bi youq datbya guh hong sauqbaet, ngoenz liux ngoenz moq henhoh gocoengz coux hek cien bi, yungh sim yungh cingz soujhoh Byavangzsanh, cung- faen yienh’ok gij cingsaenz gingqnieb fouzsei okrengz.

Siz Ginbingz giengzdiuh, giz ceiq bengz “vunzndei Cungguek” couhdwg youq mwh guh hong bingz- ciengz cauh cingzcik mbouj bingz- ciengz. Maqmuengh gyoengqsou laeb- daeb guh’ok gij cozyung yiengh- ndei, gaenxmaenx cienzboq caen sienh ndei、cienzndenq naengzliengh cingq, daiqdoengh engqlai vunz henzgyawj guh ndei, fatyiengz sevei cujyi hwzsinh gyacizgvanh, ceng guh boux gunghminz ndei sevei、boux yenz- gungh ndei danhvei、boux cwngzyenz ndei ndaw ranz, vih saedyienh Cunghvaz Minzcuz fukhwng hung- mbwn ok goengrengz bonjfaenh.

2008 nienz hainduj, Cunghyangh Vwnzmingzban cujciz guh hozdung gwnz muengx “gou doigawj gou bingz- lwnh vunzndei henzgyawj”, daengz seizneix gaenq goengbouh “buengj vunzndei Cungguek” 150 geiz, gungh miz 16228 boux(cuj) ndaej senjhaeuj “vunzndei Cungguek”. Lij Beizswngh、Huz Yaujcunh youq Dieg Funghgingj Byavangzsanh faenbied dwg guh hong sauqbaet caeuq henhoh gocoengz coux hek, 2012 nienz caeuq 2021 nienz gonqlaeng ndaej senjhaeuj “vunzdnei Cungguek” loih gingqnieb fouzsei okrengz. Mboengqneix, Lij Beizswngh、Huz Yaujcunh raiz saenq hawj Siz Ginbingz cungjsuhgi, bauqlwnh guh- hong cingzgvang caeuq gij sim naemj, gangjok le laemxsim vih henhoh Byavangzsanh gyaeundei、hwnqguh aen Cungguek gyaeundei ok goeng- rengz.