原文：（Hoh saw daj《Daj Suenbaknywj Daengz Ranzsaw Sanhvei》 aeu）

不必说碧绿的菜畦，光滑的石井栏，高大的皂荚树，紫红的桑椹；也不必说鸣蝉在树叶里长吟，肥胖的黄蜂伏在菜花上，轻捷的叫天子(云雀)忽然从草间直窜向云霄里去了。单是周围的短短的泥墙根一带，就有无限趣味。油蛉在这里低唱，蟋蟀们在这里弹琴。翻开断砖来，有时会遇见蜈蚣；还有斑蝥，倘若用手指按住它的脊梁，便会啪的一声，从后窍喷出一阵烟雾。

译文：（ciuq douzgauj bien gonq bien laeng fat）

Mbouj yungh naeuz gij suen- byaek heufwdfwd, gij rinlaengz henbiencingj raeuzradrad, gofaex- caugyaz youh hung youh sang, maksang hoengzfod; hix mbouj yungh naeuz duzbid youq ndawfaex swenj- coco, duzdinz biz boemz youq gwnz dujva, duzroegraejdiuqmbwn sawq- mwh daj ndawnywj vaiqrik ciuq ndawfwj bongh bae lo. Dan dwg donh lajdin ciengznamh dinj seiq- henz neix couh miz haujlai yinx- daeuz. Daekdaeq youq gizneix ciengqgo, gyoengq daekgaeuj youq gizneix danz ginz. Buendeuz gij rindonh haenx, mizseiz lij bungzraen lajde miz duzsip; lij miz duz- banhmauz, danghnaeuz aeu fwngz baez nyaenj gwnzndang de, couh dingqnyi miz sing byop ndeu yiengj, geu hoenz mok ndeu couh daj caekgumq de set okdaeuj.

（马山 Lij Siujnaz/李小娜）

Nauq yungh gangj sekbyaek heuswdswd, gamx cingjrin lwenq- dwkdwk, go’gyoeg sangswdswd, maksang hoengzaeuj; goj nauq yungh gangj duzbid ndoj youq mbawfaex ciuzcici, duzdinz bizbwdbwd boemz youq gwnz va’byaek, duzroeg- laejdiuqmbwn diuqdedded fwt couh mbin hwnj gwnzmbwn sangngaungau bae lo. Gag rangh ciengznaez dinj- detdet seiqhenz neix, goj yinx lai yinx daih bw. Daekgiet youq gizneix ngonngi’ngi, daekgaeuj youq gizneix ciuzcetcet. Biengj cien’gyaengh bae, saek seiz miz sipndangj; lij miz nengzrom dem, danghnaeuz aeu lwgfwngz naenx laeng de, rox yiengj sing ba ndeu, liux le gumq de couh sat raq hoenz okdaeuj.

（天等 Noegenq hoiz）

Mbouj yungh gangj luengq- byaek heusau, lanzcingjrin ngaeuz- ngad, go’gyoeg hungsang, maksangh gyaemqhoengz; hix mbouj yungh gangj duzbid youq ndawfaex hemq- swenj, duzdinz bizbod bomz youq gwnz myokbyaek, duzroeglaejdiuq- mbwn riengjret sawqmwh daj ndawhaz bongh hwnj fwj bae, dan dwg rangh goek ciengznaez dinjdet haenx, couh yinxdaeuz lai lo. Duzyouzlingz youq gizneix sing daemq ciengqgo, duzdaekdaeq youq gizneix danz gimz. Biengj hai gij cien goenq, saek seiz ndaej raen duzsipndangj; lij miz duzbanhmauz. Danghnaeuz lwgfwngz naenz haeuj ndoksaen de bae, couh dingqnyi sing “ba” ndeu, daj conghlaeng de byoqok raq hoenz ndeu.

（宁明 Banh Siujyungh/潘小邕）

Gaej naeuz fogbyaek heu, siz- cingjlanz wenj, gocaugyaz goeg, makgosangh gyaemq; hix gaej naeuz nengzceq youq ndaw mbawfaex ciengqnga’nga, dinzhenj biz baemj youq gwnz byaekleuz, roeglaej- diuqmbwn riengjret sawqmwh daj gyangrum ndonj daengz byaifwj bae lo. Dan youq aen seiqsimz goek ciengznaez dinj, couh miz yinx mbouj caenh. Daekdaeq youq gizneix ciengqngwngngwng, daekgaeuj youq gizneix danz gimz. Binq hai gikduenh ma, mizseiz bungqraen duzgip, lij miz banhmauz. Danghnaeuz yungh lwgfwngz nyaenx ndoksaen de, couh yiengj gwj ba, daj conghhaex cotok raq hoenz ndeu.

（宁明 Leiz Ginghyenz/雷京媛）

Mbouj yungh gangj gij suen- byaek heuswdswd, gij dangq cingjrin raeuzradrad, gosaeg youh sang youh hung, gonengznuengx gyaemqhoengz haenx; hix mbouj yungh gangj duzbid youq gwnz mbawfaex heuh bae heuh dauq, dinzhenj bizbwd boemz youq gwnz va’byaek, roeglaejdiuqmbwn singqsad dwk sawqmwh daj gyaznya soh ndonj yiengq byaifwj bae lo. Dandog youq ciengznamh seiqhenz dinjdet haenx, couh miz haujlai yinxdaeuz. Daekdaeq youq gizneix ciengqgo, daekgaeuj youq gizneix danz gimz. Biengj gij ciendinj daeuj, mizseiz lij yawjraen duzsip; lij miz duzbyukraiz dem, danghnaeuz yungh lwgfwngz gaemh gij ndokgeizlungz de, couh “byop” sing ndeu, daj baihlaeng byoqok raq hoenz ndeu.

（东兰 Veiz Binghsez 韦冰雪）

Mbouj yungh naeuz ndenbyaek heusausau, gij laengz aencingj ngaeuz, gofaexcaugyaz hungsang, maksang gyaemqhoengz; hix mbouj yungh naeuz duzbid youq gwnz mbawfaex ngon, duzdinz bizbwd- bwd bamq youq gwnz va’byaek, duzroeglaejdiuqmbwn ndang seuqset sawqmwh daj ndawrum ndonj haeuj byaifwj bae. Gag seiqhenz di ciengz- naez neix, cungj yinx dangqmaz. Duzyouzlingz menhmenh caeg ciengq, duzdaekgaeuj youq neix luenh gauz. Fan ngauq cien aq he, mbangjbaez raeb duzsipndangj, dem banhmauz, danghnaeuz yungh lwg- fwngz naenx gumq de, coux ndaejnyi ba sing ndeu, daj baihlaeng faenq ra hoenz ndeu okdaeuj.

（武鸣区 Sez Hungzli/谢红丽）

Mbouj yungh naeuz fog dieg- byaek heusausau, gamxrin cingj- raemx raeuzrad, faexcaugyaz sang youh hung, maksangh aeuj youh nding; hix mbouj yungh naeuz duzbid youq ndaw mbawfaex euciengq, duzdinz biz boemz youq gwnz va- byaek, roeglaejdiuqmbwn riengj sawqmwh daj ndawnywj coh ndaw byaifwj cig mbin bae lo. Dan naeuz ranghdieg laj ciengznamh dinj seiqhenz neix, couh mizyinx gig lai. Duzyouzlingz youq giz ciengq- ngwngngwng, gyoengq daekgaeuj youq giz danz gimz. Binj hai cien raek, mizseiz ndaej bungz raen sipndangj; lij miz duzbanhmauz, danghnaeuz yungh lwgfwngz gaemh laeng de, couh “byop” sing ndeu, daj caekhaex cotok raq hoenz ndeu daeuj.

（八步区 Mwz Sungh/麦 嵩）

Mbouj ngah naeuz suenbyaek heusausau, lanzcingjrin raeuzlwenq, gofaexsaeg sanghung, godumhgai gyaemq; hix mbouj ngah naeuz duzbid youq ndaw mbawfaex hemq nanz, duzdinz biz douh youq gwnz va’byaek, roeglaejdiuqmbwn fok daekhaenq daj ndaw gyaznyumq biu ok yiengq ndaw fwj mbin bae. Dan dwg henz goek ciengznamh daemq- detdet, couh miz haujlai caemzangq. Daekmaenz youq gizneix vaehyaeng swenj, gyoengq daekdaeq youq gizneix ndaek gimz. Finh deuz gyaeujgik, mizmwh ndaej raen sip- vaiz; lij miz nengzrom, danghnaeuz yungh fwngz naenx gwnzndang de, couh ba sing ndeu, youq laeng gumq biqok raq faenxmoek ndeu.

（七星区 Veiz Cunghvei/韦忠卫）