Ngoenz ndeu banhaet, ndit ronghsagsag, gou bae gunghyenz guhcaemz, raen haujlai duzroeg iq dwggyaez. Bang roeg iq aj fwed, mbin coh gwnzmbwn gvangqlangh. Gou naemj：Danghnaeuz gou bienqbaenz le duzroeg iq, mbin doh bya gyaeu raemx saw guekcoj, geijlai ndei ha!

Naemj dwk naemj dwk, gou nyinhrox aenndang ndatfwdfwd, ngaemx gyaeuj baez yawj, ha! Gou caen bienqbaenz duz roeg iq ndeu, vanzlij dwg duz roegguxgap soengq saenq hausag ndeu. Mwngz duenz gwnzndang gou miz gijmaz, raizva? Mbouj deng, ndok? Ae! Engq mbouj deng lo……Deng lo, dwg aen baufug iq cang saenq！

Hainduj soengq fung saenq daih’it lo, gou youq gwnzmbwn cwxcaih mbin, caeuq rumz iq doxdax; con gvaq ndoengfaex, yawj aen rongzroeg gwnz gofaex, mbin gvaq daizva, yawj duj ndok gyaeundei; mbin gvaq gwnzrij, dingq raemx laecece……

“Bung、bung”, song sing cungq yiengj hawj gou singj gvaqdaeuj. Gou ngaemx gyaeuj baez yawj, yienzlaiz miz boux lwgnyez ndeu yungh aen cungqdinj vanzgi nyingz gou, gou doq baet fwed, roengzrengz mbin ya, dauqdaej mbin deuz lo, gou mbin bae coh dieg aeu soengq saenq.

Daengxngoenz roengzdaeuj, gou youh baeg youh hozhawq youh iek, gwn imq le, gou youq aen rongzroeg hung duzroeg wnq vutvat haenx ninz lo. Caen dwg ngoenz baeyouz angqyangz ndeu ha!

(ngeih nienzgaep Cangh Yizsenh)