7 nyied 23 hauh, dwg ngoenz daihsawq, giz doxciep diuzroen gauhsuz Hocouh daengz Bahmaj laeng Ginhsiu, bouxguhhong cingq cacoemj gyamaenh gij hohbo henzroen. Haeuj seizhwng doxdaeuj, gih raeuz nditndat haujlai ngoenz, Ginhsiu Yauzcuz Swciyen gak aen dieghong baiz gak cungj hongcungj youq mwh mbouj hwng lai de guhhong, lij guh hozdung “soengq liengz”. Gyoengq bouxguhhong roengzrengz buekguh youq dieghong, cacoemj guhhong ganj gunghcwngz.

（Gauh Yuzginh/高如金）