Bineix doxdaeuj, Denhdwngj Yen Vwnzva Lijyouz Caeuq Dijyuz Gvangjden Giz saedguh “dangjgen + gagnyienh、vwnz lij、binjbaiz、hanghmoeg” seiq aen gunghcwngz, caez sim comz rengz doidoengh hongsaeh vwnz lij gvangj dij hwngfat. Lumjbaenz laeb doengh aen doih gagnyienh, dazyinx dangjyenz ganbu buek youq baihnaj guh hong fuengzre binghraq daengj; guh buek hozdung lumj bak ciengz denyingj haeuj lajmbanj daengj, doidoengh vwnz lij leih minz、dij gvangj hawj beksingq ndaej ndei; haivat swhyenz saekhoengz, cauhlaeb binjbaiz vwnzlij saekhoengz lumj cit heiqfwen Bouxcuengh 《Loq Aenmbwn·Go Sing Lwggeuh 》daengj; hwnqguh ndei dieg gyoebcomz vwnzlij daengj hanghmoeg hung, haenqrengz cauhlaeb aen yienh guhyiengh dijgyau doxyungz Gvangjsih.

（Cinz Yizginz/覃日琴 Vangz Cwngzsungh/黄城松）