7 nyied 16 hauh, Swcigih Dangj- veij suhgi、Swcigih Yinzda Cangz- veijvei cujyin、Swcigih Sinhgvanh Feiyenz Yizcingz Fangzgung Cij- veihbu cijveihcangj Liuz Ningz bae Fangzcwngzgangj Si Sangswh Yen diuyenz fuengz hanh binghraq、ca dangjgen coengh saenqhwng laj- mbanj、hwnqguh swnghdai vwnzmingz daengj, giengzdiuh aeu lai rox gij yiyi gietdingh “song aen dinghlaeb”, dingjmaenh guh daengz “song aen henhoh”, gvancez doek- saed gij cingsaenz gangjvah youq- gaenj “4·27” Siz Ginbingz cungj- suhgi cazyawj Gvangjsih caeuq baenzroix iugouz cijsi youqgaenj naeuz hong Gvangjsih, doeksaed gij iugouz youqgaenj “binghraq aeu fuengz ndaej、ginghci aeu onj ndaej、hwngfat aeu ancienz”, ca ndei hong ciengzseiz fuengz hanh binghraq, haenqrengz gyamaenh gya’gvangq gij cwngzgoj vutgungz gunggeng ndei bae, cienzmienh doicaenh saenqhwng lajmbanj, dungjcouz fuengz hanh binghraq caeuq ginghci sevei hwngfat ndei bae, yungh hengzdoengh saed- saeh ciepcoux Ngeihcib Daih Dangj hai ndaej baenz.

Youq Sangswh Yen Yizcingz Fangzgung Cijveihbu, Liuz Ningz nyinhcaen dingq bauqlwnh cingz- gvang hong fuengz hanh binghraq “dangjgen+vangjgwz+daihsoqgawq”, daengz dieg genjcaz cijdauj hong ciengzseiz fuengz hanh binghraq, yawj cam bouxguhhong fuengz hanh binghraq itsienq. Liuz Ningz iugouz, haeujlaeg gvancez doeksaed gij iugouz fuengz hanh binghraq “roxnaj gipseiz、cawqleix riengjret、guenjhanh cingcinj、gouqyw ndeindi” Siz Gin- bingz cungjsuhgi daezok haenx, yungh banhfap gohyoz cingcinj rengzrwd, mbouj cuengqsoeng saekdi ca ndei gak hangh banhfap fuengz hanh binghraq, dingjmaenh gyamaenh gij cwngzgoj fuengz hanh binghraq mbouj yungzheih aeu ndaej haenx.

Youq Nazginz Yangh Baizliuj Cunh Dangjginz Fuzvucan caeuq Aen Guenj Langhbaij Saenqhwng Laj- mbanj, Liuz Ningz daengz dieg roxyiuj cingzgvang mizgven hong dangjgen coengh saenqhwng lajmbanj dangdieg. Liuz Ningz giengzdiuh, aeu haeujlaeg gvancez doeksaed gij lwnhgangj youqgaenj mizgven hong gihcwngz dangjgen Siz Ginbingz cungjsuhgi, laeb maenh gij dazyiengq mingzbeg lai ca gihcwngz、lai ca cihbu, guh ndei gak hangh hong gihcwngz cujciz, hawj gihcwngz dangjgen lai ndei lai miz rengz, yungh aen gihcwngz dangjgen caetliengh lai ndei coengh cienzmienh saenqhwng lajmbanj.

Liuz Ningz bae daengz dieg guhyiengh canjnieb makgenhgoj Cib Fanh Dasanh daengj dieg, ciengzsaeq roxyiuj gij cingzgvang nungzyez daegsaek、hwngfat canjnieb lijyouz ndoengfaex swnghdai caeuq yungh gij swhyenz go ywdoj daengj. Liuz Ningz giengzdiuh, Sangsih Yen aeu yungh ndei gij bya dah daegbied gagmiz Cib Fanh Dasanh, giethab gizdieg swhyenz daegsaek cauh aen canjnieb dingj- daeuz, haenqrengz hwngfat nungzyez daegsaek daihneix, yungzhab nungz- yez vwnzva lijyouz, guh hung aen canjnieb hawj bouxminz gizdieg baenzmiz, coengh vunzguhnaz laisou baenzmiz, doidoengh gyamaenh gya- gvangq gij cwngzgoj vutgungz gung- geng caeuq saenqhwng lajmbanj doxciep ndeindi, vih cienzmienh doicaenh saenqhwng lajmbanj、saed- yienh nungzyez nungzcunh yendaiva gunghawj cengjdingj maenhsaed.

(Cinz Yizcwz)