不必说碧绿的菜畦，光滑的石井栏，高大的皂荚树，紫红的桑椹；也不必说鸣蝉在树叶里长吟，肥胖的黄蜂伏在菜花上，轻捷的叫天子(云雀)忽然从草间直窜向云霄里去了。单是周围的短短的泥墙根一带，就有无限趣味。油蛉在这里低唱，蟋蟀们在这里弹琴。翻开断砖来，有时会遇见蜈蚣；还有斑蝥，倘若用手指按住它的脊梁，便会啪的一声，从后窍喷出一阵烟雾。

Mbouj yungh gangj coijbyaek heudumdum, lanzganj aen cingj yungh rin guh baenz lwenqlwdlwd, gofaex lwgsaeg youh hung youh sang, maksang gyaemqgywd; hix mbouj yungh naeuz duzbid youq ndaw mbawfaex hemqyaya, duz dinzhenj bizbwdbwd bomz youq gwnz va- byaek, gyaudenhswj (roeglaejdiuq- mbwn) sawqmwh daj go’nywj mbin daengz gwnzfwj bae. Dandan gangj rangh goek ciengznaez dinj- detdet seiqhenz, couh miz yinx- daeuz lailai. Youzlingz youq gizneix ciengqngwngngwng, daekgaeuj youq gizneix danz gimz. Fan daet ciengeh hwnjdaeuj, mizseiz yaek bungz- daengz duzsip dem; lij miz banh- mauz, danghnaeuz yungh lwgfwngz ciuq gij ndoksaen de nyaenx, couh rox yiengj sing bat ndeu, daj caekhaex byoqok raq hoenz ndeu.

（Veiz Yuzyungj hoiz/韦汝永 译）

Mbouj yungh naeuz diegbyaek heusausau, rinlanzcingj lwenqdwk- dwk, gofaex caugyaz lauxsang, makvuengzsang youh cij youh hoengz; hix mbouj yungh naeuz duzbid youq ndaw mbawfaex itcig ciuz. Duzdinz bizbwdbwd boemz youq gwnz va’byaek, duz roeglaej- diuqmbwn singjsad lwgfwngh daj ndawnywj baez mbin coh ndawfwj bae lo. Dan dwg gij seiqhenz ranghdieg mbiengjciengz daemq- demdem haenx, couh miz haujlai yinxdaeuz. Duzyouzlingz youq giz- neix ciengqgo sing iqetet. Duz caepgyaeq youq gizneix danz gimz. Aeu gaiq gik dek neix okdaeuj, mizmwnh rox raen duzgip; lij miz duz banhmauz, danghnaeuz yungh lwg- fwngz anq baihlaeng de, couh miz sing “bab” ndeu, daj hangx de cetok raq aeuj ndeu.

（Vangz Yenfeih hoiz/黄艳飞 译）

Gaej gangj ndenbyaek heu- swdswd, baengh rin aen cingj lwenqriri, golwgsaeg sangngaungau, naedlwgsang gyaemqndi’ndi; hix gaej naeuz duz biqrengh youq ndaw mbawfaex hemq bae hemq dauq, duz dinzgumqndang bizbwdbwd baemj youq gwnz va’byaek, duz roeg- laejdiuqmbwn riengjret sawqmwh daj ndaw rumnyaengq fwthwnj gwnz byaifwj bae lo. Gij ranghdieg goek ciengznaez seiqhenz dinjdetdet, couh miz gij yinxdaeuz fouzhanh. Duz youzgang youq gizneix saeqsing ngon ciengq, duz daekgaeuj youq gizneix danz gimz. Biengj deuz gij ciengeh haenx, mizseiz yawjraen duz ngwz- bakgiek; vanzlij yawjraen duz banh- mauz, sietsawz aeu lwgfwngz nyaenx dawz baihlaeng de, couh yiengj sing “ba” ndeu, daj caekhaex de byoqok raq hoenzmok ndeu.

（Cinz Yez hoiz/覃悦 译）

Mbouj yungh gangj byongj- byaek heuswdswd, rin lanz mboq raeuzrwdrwd, gosaeg sangngaungau, maksang hoengzaeuj; hix mbouj yungh gangj duzbid ndoj ndaw mbawfaex heuhgetget, duz dinzhaq bizbwdbwd douh youq gwnz va- byaek, roeglaejdiuqmbwn riengjret dwk sawqmwh daj ndaw congzhaz coh fwjheu mbin bae lo. Couh youq henz ciengz geij conq ciengznamh neix, couh mizyinx dangqmaz. Duz- nengzgaemq youq gizneix ciengqgo getget , daekgaeuj youq gizneix danz gimz. Fan hwnj cien duenh, loenglau nyangzraen sipvaiz; lij miz maed- rongz, danghnaeuz aeu fwngz bae ned gyang hwet de, couh dingqnyi bep sing ndeu, daj gumq de sot miz raq hoenz he.

（Lungz Ging’yuz hoiz/龙庆煜 译）

Mbouj yungh gangj suenbyaek heusausau, baengh cingjrin raeuz- radrad, golwgsaeg sangsatsat, lwg- dumhgai gyaemqhoengz; hix mbouj yungh naeuz duzbid youq ndaw mbawfaex laebdaeb heuh, duzdoq ndawdoengh bizbwdbwd boemz youq gwnz va’byaek, roeglaejdiuqmbwn riengjvaiq sawqmwh daj ndawnywj ndonj haeuj ndaw byaifwj bae lo. Dan dwg rangh goek ciengznaez seiqhenz dinjdetdet, couh yinxdaeuz raixcaix. Duzyouzlingz youq gizneix daih ciengq, daekgaeuj youq gizneix danz gimz. Fan hai rincien goenq daeuj, mizseiz yaek bungzraen duzsip dem; lij miz duznengzrongh, danghnaeuz yungh lwgfwngz naenz gij ndoksaen de, couh ndaejnyi sing ba ndeu, daj laenghaex byoq okdaeuj raq hoenz ndeu.

（Veiz Sezyenz hoiz/韦雪妍 译）

Gaej naeuz doengh fekbyaek heusausau, lanzganh cingjrin luemj- lublub, gosaeg youh hung youh sang, maksangh hoengzaeuj; hix mbouj yungh gangj duzbid youq ndaw mbawfaex ciuz mbouj dingz, duzdinz bizbod boemz youq gwnz va’byaek, duz roeglaejdiuqmbwn sawqmwh riengjret dwk daj ndaw- nywj bongh hwnj gwnzfwj bae. Dan dwg seiqhenz rangh goek ciengznaez dinjdetdet de, couh miz yinxdaeuz lai raixcaix. Nonmbaj youq gizneix ciengq fwen, gyoengq daekgaeuj youq gizneix danz gimz. Fan hai gij gik duenh, mizseiz ndaej raen miz sipndangj; lij miz duz- byukraiz dem, danghnaeuz aeu lwgfwngz naenx ndoksaen de, couh raen yiengj dwk “ba” sing ndeu, daj conghhaex de sat raq hoenz he okdaeuj.

（Ouhyangz Veiyez hoiz/欧阳惠月 译）

Mbouj yungh gangj ndenbyaek heuswdswd, gyauqcingj rin wenjlulu, gofaexgenj youh sang youh hung, maksang gyaemq; hix mbouj yungh gangj duzbid youq ndaw mbawfaex ciengqnye’nye, duzdinz bizbwd boemz youq gwnz byaekreuz, duz roeglaejdiuqmbwn yaeuyet fwt dwk daj ndaw gyaznywj bongh coh gwnzmbwn bae. Dan dwg rangh goek ciengznamh dinjdet seiqhenz, couh mizyinx dangqmaz. Duz daekdaeq youq gizneix eu fwen, gyoengq daekgaeuj youq gizneix danz gimz. Biengj bae gij cien’gyaengh, mizseiz lij bungzdaengz duzsip; lij miz duznengzraiz, danghnaeuz aeu lwg- fwngz bae naenx ndokgeizlungz de, cix “ba” dwk sing ndeu, daj conghhaex sotok raq hoenz he.

(Lij Ciuhbingz hoiz/李秋萍 译)

Gaej gangj sekbyaek heu- sausau, rin dangj cingjraemx ngaeuzlwenq, gofaex lwgsaeg youh hung youh sang, maksangh hoengz- gyaemx neix; hix gaej gangj duzbid youq ndaw mbawfaex ngon swenj sing raez, duz dinzhaq biz boemz youq gwnz va’byaek, duzroeglaej- diuqmbwn riuzretret dwk sawqmwh daj ndawnya soh ndonj coh dingj- mbwn bae liux. Dan seiqhenz din ciengz dinjdinj neix, couh mizyinx fouzbeij. Duz daekgiet youq neix ciengq sing daemq, gyoengq daekgaeuj youq neix danz gimz. Fan cienduenh hwnjdaeuj, mizseiz rox nyangz sipndangj; vanzlij miz nengzdaeb dem, danghnaeuz yungh nyienghfwngz nyaenj gwnz raeblaeng de, couh dingqnyi boeb sing ndeu, daj conghhaex byoqok raq mok oenq ndeu.

(Vangz Gozgvanh hoiz/黄国观 译)

Mbouj yungh gangj sekbyaek heusausau, rinlanzcingj wenqndoq, gofaexsaeg hungsang, maksangh hoengzmong, hix mbouj yungh gangj duzbid youq ndaw mbawfaex ciengqgo, dinzhenj bizbwd bomz youq gwnz va’byaek, roeglaejdiuq- mbwn mbaeuseuq sawqmwh daj cazhaz rub mbin gwnzfwj bae lo. Dan dwg henzbien ciengzgieknamh daemqbwd rangh he, couh mizyinx raixcaix. Nonlingz youq neix sing- saeq ciengqgo, gyoengq daekgaeuj youq gizneix danz gimz. Dawz cienduenh fan hwnjdaeuj, mizseiz raen sipndangj, lij miz nengzduh, danghnaeuz aeu fwngz gaemh hwet de, couh miz bod sing ndeu daj caekhaex de biu hoenz okdaeuj.

（Hoz Cunghliuj hoiz/何宗柳 译）

Gaej naeuz fogbyaek heuswd, lanz cingjrin wenqgywg, gofaexgenj sanghung, aen nengznuengx hoengz- gyaemq; hix gaej naeuz duzbid youq ndaw mbawfaex sing swenj raez- rengreng, duzdinz bizbwd boemz- hoemj ninz youq gwnz va’byaek, roeglaejdiuqmbwn riengjret sawq- mwh daj ndawrum yet diuq mbin hwnj gwnzmbwn bae lo. Dan dwg seiqhenz rangh laj goekciengz dinj- det haenx, couh gig miz yinxdaeuz. Nonlingz youq gizneix singdaemq ngo’ngo, gyoengq daekgaeuj youq gizneix danz ginz. Biengj hai gij cien’gyaengh, mizseiz bungzraen sipndangj; lij miz nengzraiz, dangh- naeuz yungh lwgfwngz nyaenjdawz gyanghwet de, couh ba sing he, daj caekhaex biuok raq heiqhoenz he.

(Danz Hijvah hoiz/谭喜花 译)

（按来稿顺序刊发）