Sinhvazse Baekging 7 nyied 9 hauh dienh Cunghgung Cunghyangh cungjsuhgi、guekgya cujsiz、Cungh- yangh Ginhveij cujsiz Siz Ginbingz 7 nyied 8 hauh hoiz saenq hawj lauxhangz geq Cungguek Guekgya Bozvuzgvanj, youq mwh Cungguek Guekgya Bozvuzgvanj cauhlaeb 110 hopbi, cukhoh caeuq camnai gyoengq vunz Cungguek Guekgya Bozvuz- gvanj.

Siz Ginbingz youq ndaw saenq naeuz, gou bae yawjngonz Guekgya Bozvuzgvanj lai baez gvaq, miz yaenqsiengq naekna. Rox daengz Gozboz youq souyo、yenzgiu、langh- baij、doiqrog doxgyau daengj fueng- mienh ndaej baenaj moq, gou sim- angq raixcaix.

Siz Ginbingz giengzdiuh, boz- vuzgvanj dwg aen dieg youqgaenj baujhoh caeuq swnjcienz vunzloih vwnzmingz, bouxguhhong sawjmingh miznaj、cwzyin hungnaek. Maqmuengh gyoengq dungzci dingjmaenh aen cwngci fuengyiengq cinjdeng, dingj- maenh vwnzva gagsaenq, gyalai yenzgiu yozsuz, cauhmoq langhbaij, doidoengh yungh ndei vwnzvuz, doicaenh vwnzmingz doxgyau doxhag, henhoh ndei、swnjcienz ndei、langh- baij ndei gij cingzcik maenhndei Cunghvaz vwnzmingz, vih hwngfat vwnzboz saehnieb、vih hwnqguh aen guek ak vwnzva sevei cujyi laebdaeb ok goengrengz moq.

Ndanggaeuq Cungguek Guekgya Bozvuzgvanj dwg Gozliz Lizsij Boz- vuzgvanj Couzbeicu 1912 nienz 7 nyied laebbaenz. Cungguek moq laeb- baenz le, youq baihdoeng Denh’anh- mwnz Gvangjcangz hwnqmoq Cung- guek Gwzming Bozvuzgvanj caeuq Cungguek Lizsij Bozvuzgvanj, 2003 nienz song aen guenj gyonj baenz Cungguek Guekgya Bozvuzgvanj, 2012 nienz hwnq gvangq le cingqsik doiqrog haicuengq, seizneix doxgaiq souyo miz 140 lai fanh gaiq. Mboengqneix, 10 boux lauxhangz geq Gozboz raiz saenq hawj Siz Ginbingz cungjsuhgi, gaisau gij ginglig hwngfat Gozboz 110 bi doxdaeuj, bauqlwnh gij hong Gozboz souyo doxgaiq、baujhoh vwnzvuz、langhbaij daengj fueng- mienh, gangjok le gij sim vunz Gozboz geiqmaenh sawjmingh vih hwnqguh aen guek ak vwnzva ok goengrengz.