Mboengqneix, baez doxdax caiz- hag Gvangjsih “bouxcoz daih hagsib” bi 2022 nem daengx gih bouxcoz nyezrauh cienhangh doxdax cukmaenh gij eiqsik caezcaemh Cunghvaz Minz- cuz lajsienq gietsaiq youq Gvangjsih Minzcuz Dayoz banh.

Baez doxdax neix dwg Gung- cinghdonz Gvangjsih Gihveij、Swcigih Minzcunghveij、Swcigih Gyauyuzdingh lienzhab cawjbanh. Doxdax faen baenz gwnzsienq caeuq lajsienq song dingz, gwnzsienq doxdax daj 3 nyied 21 hauh daengz 5 nyied byai gietsat, moix singgeiz geiz ndeu, gungh 10 geiz, yinx ndaej donzyenz bouxcoz mauh- gvaq 100 fanh vunzbaez camgya. Lajsienq doxdax daj 4 nyied youq daengx gih gak gaep donzcujciz laebdaeb guh, ginggvaq senj baez dem baez, gungh miz 75 aen doih ndaej haeuj fuksaiq, 13 aen doih ndaej haeuj gietsaiq. Ginggvaq doxdax haenq, aen doih Gungcinghdonz Hozciz Yozyen Veijyenzvei ndaej it daengjciengj.

Ciuq cam rox, Gungcinghdonz Gvangjsih Gihveij gaemdawz “bouxcoz daih hagsib” neix, gaenxmaenx damqra gij hingzsik moq aeu doxdax bang hagsib, daj bi 2020 hainduj, binaengz yungh aen cawjdaez ndeu guh aen doxdax caizhag Gvangjsih “bouxcoz daih hagsib”, seizneix gaenq banh baenz 3 gaiq. Doenggvaq gwnz- sienq lajsienq doxdax, hawj bouxcoz lai rox lijlun senhcin dangj, yungh gij fuengsik bouxcoz nyezrauh dingq ndaej rox、geiq ndaej maenh gangj laeg、gangj laemj、gangj lix gij cingsaenz gangjvah youqgaenj Siz Ginbingz cungjsuhgi, hawj hagsib engq mizyinx, gikcoi gyoengq bouxcoz nyezrauh geiqmaenh vahdaengq Siz Ginbingz cungjsuhgi, gyalaeg roxyiuj gij yiyi gietdingh “song aen dinghlaeb”, giengiet guh daengz “song aen henhoh”， dazyinx daengx gih donzyenz bouxcoz guh boux doi- doengh、boux hengzguh、boux camgya hwnqguh aen gih yienghndei cuk- maenh gij eiqsik caezcaemh Cunghvaz Minzcuz, vih gietsim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq ok rengz bouxcoz.

(Lij Sinh)