6 nyied 25 hauh, Swcigih Dangj- veij suhgi、Swcigih Yinzda Cangz- veijvei cujyin Liuz Ningz daengz Bwzswz Bingzgoj Si, diuyenz ginghci yinhhengz、saenqhwng canjnieb、 ginghci aen singz hwngfat daengj, giengzdiuh aeu gyalaeg roxyiuj gij yiyi gietdingh “song aen dinghlaeb”, giengiet guh daengz “song aen henhoh”, haeujlaeg gvancez doeksaed gij cingsaenz gangjvah youqgaenj “4·27” Siz Ginbingz cungjsuhgi cazyawj Gvangjsih caeuq baenzroix iugouz cijsi youqgaenj naeuz hong Gvangjsih, caezcienz、cinjdeng、cienzmienh gvancez leixniemh hwng- fat moq, doeksaed gij iugouz youq- gaenj “binghraq aeu fuengz ndaej、ginghci aeu onj ndaej、hwngfat aeu ancienz”, haenqrengz fatyiengz dang- rap caenguh, gyavaiq canjnieb cienjhingz swnggaep, doidoengh ginghci aen singz hwngfat youh ndei youh vaiq, gietsim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq, yungh hengzdoengh saedsaeh ciepcoux Ngeihcib Daih Dangj hai ndaej baenz.

Liuz Ningz bae daengz suen canjnieb Bingzgoj Si, haeuj daengz Gvangjsih Daswngh Sinhnwngzyenz Gohgi Youjhan Gunghswh、Gvangjsih Hinghyez Caizliu Gohgi Youjhan Gunghswh、Gvangjsih Vazleij Sinh- caizliu Youjhan Gunghswh caeuq Cunghlij Gvangjsih Fwnhgunghswh aen cehgenh guhhong、dieghong hanghmoeg caeuq aen ding langhbaij huq, caz yawj huq、cam loh gai、caez maeuz hwngfat, gienqmienx caezgya doekrag Bwzswz、gaemdawz seizgei, haenqrengz guh hung guh ak guh ndei. Liuz Ningz giengzdiuh, aeu yungh ndei gijndei swhyenz miz daegsaek deihfueng, haeujlaeg hengzguh aen canloz gyaepdoengh cauhmoq, gyalai rengz gag cauhmoq gohgi, gyavaiq canjnieb cienjhingz swnggaep, haenq- rengz hwngfat gyagoeng lij cingmaed, hawj huq lai dij cienz, doidoengh lij canjnieb hwngfat coh miz daegsaek、hab swnghdai、hab cinwngz, bangdoi Gvangjsih lij canjnieb gezgou daj canjnieb swhyenzhingz cienjbienq coh canjnieb caizliu moq caeuq gauhdonh cicauyez.

Gvangjsih Bingzgoj Denhswng Giujyez Douzswh Youjhan Gunghswh, doenggvaq gij vunqsik “gunghswh+dieggoek+nungzhu”, hwnqguh dieg- goek yenzliu mbawcaz youjgih 12 fanh moux, cigsoh daiqdoengh 1.8 fanh boux ndaem gocaz vutgungz baenzmiz. Liuz Ningz ciengzsaeq roxyiuj gij cingzgvang yenzfaz huq caeuq hwnqguh hanghmoeg 3 fanh cien swng laeuj caz gauhdonh aen giyez neix, maqmuengh giyez haenqrengz doicaenh huq cauhmoq、gisuz cauh- moq, daezswng rengz doxceng vaedsim, dajcauh binjbaiz mizmingz, engq ndei haigvangq hawciengz. Doengzseiz, laebdaeb yungh ndei gij cozyung aen giyez lingxdaeuz nungz- yez canjyezva, daiqdoengh ginghci dangdieg hwngfat caeuq vunzlai demsou baenzmiz, gaenxmaenx bang- rengz saenqhwng lajmbanj.

(Cinz Yizcwz)