Vangz Vwnzsiu dwg dahsau Bouxcuengh, bi 1989 doekseng laeng Bwzswz Si Denzyangz Yen. Aen- ndang bohmeh de cungj mbouj ndei, ranz gungzhoj lai, baengh gij cwngcwz banghag guekgya, de cijndaej doegsaw bizyez. Vangz Cunghgez, daxboh Vangz Vwnzsiu naeuz:“Gou caeuq de gangj gvaq, mbouj miz gungcanjdangj, ranz raeuz couh mbouj ndaej duetgungz, caemh mbouj miz ndwenngoenz seizneix, itdingh aeu haeujdangj bw.” Vangz Vwnzsiu geiqmaenh coenz vah daxboh, mwh hwnj dayoz bwnjgoh couh miznaj gyahaeuj Cunghgoz Gungcanjdangj. De youq mbaw saw sinhcingj haeujdangj raiz naeuz:“Bouxvunz caenh dawz gij gyaepgouz swhgeij yungzhaeuj lij- siengj aendangj bae, lijsiengj couh engq hungmbwk. Vihle lix ndaej engq miz yiyi, lix ndaej engq dij, gou gig muengh gyahaeuj Cunghgoz Gungcanjdangj.” Yenzgiuswngh biz- yez youq hawsingz couh miz hong guh, hoeng de mbouj haengj, caenh naemj hwnqguh ranzmbanj、fugsaeh lajmbanj. Yienghneix, de doq ma Bwzswz aen ranzmbanj de guhhong, doekrag lajmbanj. Guh ndaej bi lai, de caiq gag iugouz bae Bwzswz Si Lozyez Yen Sinhva Cin Mbanjbwzniz capmbanj guh boux suhgi daih’it. Lozyez Yen dwg aen yienh guekgya cawjdaeuz banggungz haifat ndeu, diuzgen rwix lai. Vangz Vwnzsiu yawj hong banggungz dangq “cangz- cwngh”moq, ciengzseiz aeu gij cingsaenz cangzcwngh gujli swhgeij caeuq bouxdoih, cug ranz bae ranzgungzhoj mo cingcuj cingzgvang, dauqcawq ra hanghmoeg ra ngaenz bang vunzlai gaijgez hojnanz. Mwh de guh boux suhgi daih’it, bak lingz sam ranzgungzhoj Mbanjbwzniz ndawde couh miz betcib bet hoh ndaej duetgungz, aen hanghmoeg ginghci cizdij ndawmbanj souhaeuj fan boix ndeu. Bi 2019 ndwen 6 ngoenz 17 gyanghwnz, Vangz Vwnz- siu byaij roenlaep soemhfwn ma Mbanjbwzniz bang ndawmbanj fuengz raemxdumh dingj raemx- rongz, mboujliuh, buenqroen roeb raemxrongz dengnanh. De ngamq ndaej samcib bi, couh vut mingh youq gwnz roen banggungz, aeu ciuhvunz gyaeundei geqgangj gij simnduj sawjmingh vunz gungcanj- dangj.

（Gvangjsih Minzcuz Yenzgiu Cunghsinh hawj gauj）