Hahceiq yaek daengz, 6 nyied 19 hauh, gyoengq beixnuengx Mulaujcuz laeng Lozcwngz Mulauj- cuz Swciyen Dunghmwnz Cin Mbanjgaeuq Sizveiz daenj buhvaq minzcuz sim’angq najriu foux lungzfiengz, langhbaij minzsug vwnzva cienzdoengj Mulaujcuz hawj hekyouz. Foux lungzfiengz dwg cungj hozdung dijyuz cienzdoengj gwnzbiengz dieg de, vunzlai Mulaujcuz aeu bae gyaepgouz rumz swnh fwn yinz、doengh gohaeux sou ndaej lai. Bi 2010, foux lungzfiengz Mulaujcuz ndaej senj haeuj swcigih gaep feihyiz mingzloeg.

（Liu Gvanghfuz/廖光福）