6 nyied 16 hauh, boux dangjcuj cwngzyenz、fucujsiz Gvangjsih Vwnz- lenz Cungh Gveifaz daiq doih daengz aen dieggoek cauhguh yisuz vwnzlenz Bingzgoj Si, diuyenz gij cingzgvang hwnqguh gihcwngz vwnzlenz cujciz caeuq hwnqguh aen doih vunzcaiz vwnzyi.

Mwh youq Aen Hezvei Canghraiz Sawcuengh Bingzgoj Si, Cungh Gveifaz haengjdingh le Bingzgoj Si gibseiz laebbaenz Aen Hezvei Canghraiz Sawcuengh, de fan yawj 《Sam Nyied Sam》 banj Sawcuengh caeuq 《Gvangjsih Minzcuz Bau》 banj Sawcuengh baij youq gwnz congz aen hezvei neix le naeuz：“Sawcuengh dwg cihsaw vahcoj vunz Bouxcuengh, aeu haenqrengz bae baujhoh, yungh vahcoj raiz faenzcieng wnggai ndaej haeuj- coengh caeuq yawjnaek, maqmuengh Bingzgoj Si Vwnzlenz lai haeujcoengh lai gujli gyoengq canghraiz Sawcuengh dingjmaenh yungh vahcoj cauhguh, maqmuengh gyoengq canghraiz Saw- cuengh yungh ndei aen bingzdaiz neix, lai doxdoeng、 lai doxgyau、lai doxhag, caezcaemh daezsang, mbouj- duenh cauh’ok faenzcieng ndei yungh vahcoj raiz de engqlai.”

Ciuq cam rox, Bingzgoj Si Vwnz- lenz laebbaenz Aen Hezvei Canghraiz Sawcuengh le, youq dangdieg okbanj 《Duzsizdanh》 cazci hai miz lanzmuz “vwnzyoz Sawcuengh”, caemhcaiq aeu faenzcieng Sawcuengh gvihaeuj gij gvaengxlaengx bangfuz cauhguh gij- ndei vwnzyoz yisuz bae, doenggvaq gak loh hingzsik, gujli caeuq haeujcoengh cauhguh vwnzyoz Saw- cuengh aen si neix.

(Yiz Ciz)