6 nyied 16 hauh, Aen Hoih Sibinz Doxgyau Gingniemh Hong Cauhlaeb Minzcuz Doxgiet Cinbu Daengx Guek youq Baekging hai. Boux fubucangj Cunghyangh Dungj- canbu faenguenj hong ngoenznaengz, boux cujyin、dangjcuj suhgi Guekgya Minzveij Cinz Siujgyangh camgya aen hoih caemhcaiq gangjvah. Aen hoih daezok, haeujlaeg gvancez doeksaed gij swhsiengj youqgaenj mizgven gyagiengz caeuq gaijndei hong minzcuz Siz Ginbingz cungjsuhgi caeuq gij cingsaenz Aen Hoih Hong Minzcuz Cunghyangh, yungh cuk- maenh gij eiqsik caezcaemh Cunghvaz Minzcuz guh sienqmeh, laebdaeb gyalaeg hong cauhlaeb minzcuz doxgiet cinbu, doidoengh hong minzcuz dangj seizdaih moq hwngfat youh ndei youh vaiq, yungh hengz- doengh saedsaeh ciepcoux Ngeihcib Daih Dangj hai ndaej baenz.

Aen hoih naeuz, Cibbet Daih Dangj doxdaeuj, Dangjcunghyangh aeu Siz Ginbingz dungzci guh vaedsim haenx laebdin aen gizmen bienqvaq hung bak bi caengz miz gvaq caeuq daengxbuenz canloz Cunghvaz Minz- cuz fukhwng hungmbwk, doiq hong minzcuz dangj seizdaih moq guh’ok baenzroix gezcwz baijbouh hungnaek, doidoengh hong minzcuz aeundaej cingzcik doenghbaez caengz miz、miz gaijbienq doenghbaez caengz raen. Yungh cukmaenh gij eiqsik caez- caemh Cunghvaz Minzcuz guh sienqmeh, laebdaeb gyalaeg hong cauhlaeb minzcuz doxgiet cinbu, haenqrengz dajcauh banj swnggaep hong cauhlaeb, dwg gij guhfap youqgaenj doidoengh hong minzcuz dangj seizdaih moq hwngfat youh ndei youh vaiq、cukmaenh gij eiqsik caezcaemh Cunghvaz Minzcuz、cauh- fuk vunzlai gak minzcuz engqgya ndei, aeu daj gizsang cwngci caeuq daengxbuenz ca ndaet ca saed.

Aen hoih giengzdiuh, laebdaeb gyalaeg hong cauhlaeb minzcuz dox- giet cinbu, aeu haenqrengz gyalaeg neihanz, dawz cukmaenh gij eiqsik caezcaemh Cunghvaz Minzcuz dang- guh gij ciuqei gaenbonj、yinvu vaedsim、biucinj bingzgya hong cauhlaeb; aeu haenqrengz fungfouq hingzsik, aeu fugsaeh daihbuenz guh giz okrengz fungfouq gaiqdap cauh- laeb, aeu fugsaeh vunzlai guh giz okrengz fungfouq dieg roengzfwngz cauhlaeb, aeu yienh’ok yienghsiengq seizdaih guh giz okrengz fungfouq gij fuengsik senhconz cauhlaeb; aeu haenqrengz cauhmoq fuengfap, hab seizdaih iugouz, mboujdan ca “diemj”、youh ca “mienh”, mboujdan ca “hung”, youh ca “iq”, mboujdan ca lajsienq、youh ca gwnzsienq, mboujdan ca cwngcwz dazyinx、youh ca fapceih baujcang.

(Guekgya Minzcuz)