6 nyied 11 hauh dwg ngoenz vwnzva caeuq swhyienz yizcanj, Laizbinh Si Ginhsiu Yauzcuz Swciyen youq Cunghliengz Yangh guh aen haw feihyiz. Gwnzhaw langhbaij miz gij dinfwngz daemjrok siuqva Yauzcuz、foux lungzyieng Yauzcuz、guh gyongnaezhenj、aeu duzbing ywbingh daengj cib lai cungj feihyiz, yinx daeuj haujlai hekyouz ngonzyawj、daejniemh feihyiz. Yienhciengz lij miz cujbo cigboq gij dinfwngz guh feihyiz daengj, langhbaij yienghndei daegbied vwnzva Yauzcuz. Aen hozdung neix mboujdan ndaej fatyiengz vwnzva minzcuz cienzdoengj, vunzlai lij ndaej baengh feihyiz guhhoengh lajmbanj.

(Gauh Yuzginh/高如金)