Dangj fuzbinz ciuqgoq,

Mbanjmbanj moq,

Goengloh doeng daengz ranz;

Minzcuz caez doxbang,

Ndongj baenz gang,

Doengz gyaranz beixnuengx.

Cienz guek gag minzcuz,

Byaij fouqloh,

Bouxboux rox cauxmoq;

Ndaem haeux youq gwnzfwj,

Hai dahngaenz,

Doeng ma doh bakdou.

Cungguek minzcuz lai,

Riengz dangj byaij,

Gvaq feizhaij hix guh;

Cienz guek gag minzcuz,

Byaij fouqloh,

Bouxboux rox cauxmoq.

Bet sien caez gvaq haij,

Coengmingz lai,

Doxdax goengrengz moq;

Ndaem haeux youq gwnzfwj,

Hai dahngaenz,

Doeng ma doh bakdou.

Coux Dangj Ngeihcib Daih,

Raeuz fanh daih,

Riengz dangj byaij daengz gyaeuj;

Dawz haij guh baenz laeuj,

Hawj vunz raeuz,

Miz laeuj gwn mbouj liux.

Hajcib roek minzcuz,

Lumj vamoq,

Duj beij duj ndei lai;

Coux Dangj Ngeihcib Daih,

Raeuz fanh daih,

Riengz dangj byaij daengz gyaeuj.

Dangj minzcuz cwngcwz,

Daihgya rox,

Seizseiz youq sim raeuz;

Dawz haij guh baenz laeuj,

Hawj vunz raeuz,

Miz laeuj gwn mbouj liux.

Minzcuz daih doxgiet,

Ndongj gvaq diet,

Giengiet(genhgez) riengz dangj byaij;

Raeuz Dangj Ngeihcib Daih,

Yaek aeu hai,

Vih minz hai lohfouq.

Ronghndwen riengz daengngoenz,

Youq gwnzmbwn,

Hwnzngoenz byaij mbouj yiet;

Minzcuz daih doxgiet,

Ndongj gvaq diet,

Giengiet(genhgez) riengz dangj byaij.

Raeuz gak cuz lwgminz,

Angq ndawsim,

Vunzvunz gaenxhong lai;

Raeuz Dangj Ngeihcib Daih,

Yaek aeu hai,

Vih minz hai lohfouq.

Dangj heuh raeuz hwnj mbwn,

Raeuz doengzsim,

Daihgya mbin hwnj fwj;

Miz dangj daeuj yinx loh,

Mbouj lau hoj,

Byaij fouqloh cien bi.

Dangj naeuz moeb duzguk,

Gak minzcuz,

Vunzvunz sim doxdoengz;

Dangj heuh raeuz hwnj mbwn,

Raeuz doengzsim,

Daihgya mbin hwnj fwj.

Daj seizneix roengzbae,

Yienghyiengh ndei,

Caiq mbouj miz bouxhoj;

Miz dangj daeuj yinx loh,

Mbouj lau hoj,

Byaij fouqloh cien bi.（2 sat）