6 nyied 11 hauh dwg ngoenz vwnzva caeuq swhyienz yizcanj. Ngoenzhaenx, aen gaihmusiz hozdung hawsingz cawjciengz Gvangjsih senh- conz langhbaij feihyiz “ngoenz vwnzva caeuq swhyienz yizcanj” 2022 nienz caeuq aen yizsiz diemjrongh “ciet cawx huq feihyiz” Gvangjsih 2022 nienz youq Cungzcoj Si Daibingz Gujcwngz hainduj, hozdung cawjdaez dwg “lienzciep ndwenngoenz daih- neix, angjcuengq ronghsien yinx vunz”, hozdung youz Swcigih Vwnzva Caeuq Lijyouzdingh、Cungzcoj Si Cwngfuj cawjbanh, Cungzcoj Si Vwnzva Caeuq Lijyouz Giz、Cungzcoj Si Gyanghcouh Gih Cwngfuj ciep- banh.

Baez cawjdaez hozdung neix gwnz sienq、laj sienq giethab guh. Hozdung cawjdaez ronghsien、nei- yungz lai youh yinx, faen baenz hai aen hoih naenghdamz hong feihvuzciz vwnzva yizcanj Gvangjsih、aen yizsiz hainduj、aen hozdung haw hoengh feihyiz Gvangjsih 2022 nienz、Cungz- coj yinxdaeuz langhbaij doz feih- vuzciz vwnzva yizcanj、 langhbaij doz cwngzgoj saenqhwng lajmbanj Gyanghcouh Gih、yawjngonz cwngzgoj saenqhwng lajmbanj Gyanghcouh Gih Sinhhoz Cin daengj roek aen banjgvai hozdung laj sienq caeuq gwnz sienq doxgaiq feihyiz cigboq daiq huq daengj hozdung youqgaenj, senhconz langhbaij gij cwngzgoj youqgaenj caeuq anqlaeh saedhengz maenhndei baujhoh cienzswnj feihyiz Gvangjsih geij bi neix doxdaeuj, doengzseiz senhconz 《Fap Feihvuzciz Vwnzva Yizcanj Cunghvaz Yinzminz Gung- hozgoz》 caeuq gvendaengz caizhag feihyiz, doidoengh caez yungh feihyiz swhyenz caeuq baujhoh cwngzgoj, iuheuh feihyiz yungzhaeuj ndwen- ngoenz、fugsaeh beksingq、fugsaeh ndawbiengz.

(Cangh Denhyin)