Sinhvazse Yanghgangj 6 nyied 12 dienh Youq mwh 《Daih- goengbauq》 cauhbanh 120 hopbi, Cunghgung Cunghyangh cungjsuhgi、guekgya cujsiz、Cunghyangh Ginhveij cujsiz Siz Ginbingz fak saenq daeuj cukhoh daengxcungq yenzgungh.

Siz Ginbingz youq ndawsaenq naeuz, aen lai sigij doxdaeuj, 《Daih- goengbauq》 dingjmaenh gij banhbauq cunghcij “lumz ndanggaeuq dwg daih, fouzsei dwg naeuz goeng”, coenzvah vih goeng, faenzcieng bauq guek, vih hwnqguh Cungguek moq、gaijgwz hailangh caeuq hwnqguh yendaiva, vih Yanghgangj gvidauq guekcoj、bauj- maenh onjdingh vuenghhoengh miz cozyung gaenxmaenx. Haeuj seiz- daih moq, 《Daihgoengbauq》 fangeiz ronghsien gangjok gij sing’yaem cingqmienh、gietcomz gij doxrox ndawbiengz, vih henhoh ndawbiengz onjdingh、demgya Yanghgangj caeuq diegndaw doxgyau、hawj simvunz gvidauq ok rengz hung.

Siz Ginbingz maqmuengh 《Daih- goengbauq》 mbouj lumz goeknduj, fatyiengz gyaez guek cienzdoengj, laemxsim cauhmoq hwngfat, mbouj- duenh gya’gvangq rengz cienzboq caeuq rengz yingjyangj, vih “guek ndeu song aen cidu” hengzguh byaij onj daengz gyae、vih saedyienh aen loqsiengj Cunghvaz Minzcuz fukhwng hungmbwk raiz biencieng seizdaih engq gyaeundei.

Aen yizsiz angqhoh《Daihgoeng- bauq》 cauhbanh 120 hopbi 12 hauh banringzgvaq youq Yanghgangj banh, gwnz aen yizsiz doeg le fung saenq cukhoh Siz Ginbingz.

《Daihgoengbauq》 1902 nienz 6 nyied 17 hauh cauhbanh, dwg faenh bauqceij Sawgun lizsij ceiq gyaeraez seizneix gwnz seiqgyaiq lij cingq fathengz. 2016 nienz caeuq Yangh- gangj 《Faenzhoihbauq》 gyonjgyoeb baenz Yanghgangj Dagungh Vwnzvei Conzmeiz Cizdonz le, gyavaiq yamqdin yungzhab hwngfat, guhbaenz le aen gwzgiz cienzboq daengx meizdij laebdin Yanghgangj、coh Vazyinz daengx seiqgyaiq.