Minzcuz daih doxgiet,

Ndongj gvaq diet,

Gienqsiep(Gensez) raeuz guekgya;

Lumj gyoengq rwi mbaet va,

Mbincaca,

Caez dawz ma guh dangz.

Gyoengq sien caez gvaq haij,

Goengrengz lai,

Mbouj daengz byai mbouj yiet;

Minzcuz daih doxgiet,

Ndongj gvaq diet,

Gienqsiep(Gensez) raeuz guekgya.

Doxgiet goengrengz daih,

Mbouj lau dai,

Feizhaij hix gamj gvaq;

Lumj gyoengq rwi mbaet va,

Mbincaca,

Caez dawz ma guh dangz.

Seizneix Cungguek raeuz,

Ndei dienheiq,

Lij raeuj gvaq daengngoenz;

Cibseiq ik lwgminz,

Ndaej vuenyungz,

Sing riu mbwn yaek lak.

Vih saedyienh aenmoengh,

Gak cuz vunz,

Byaijfoed riengz dangj raeuz;

Seizneix Cungguek raeuz,

Ndei dienheiq,

Lij raeuj gvaq daengngoenz.

Minzcuz daih doxgiet,

Sim giengiet (genhgez),

Dawz diet lienh baenz gim;

Cibseiq ik lwgminz,

Ndaej vuenyungz,

Sing riu mbwn yaek lak.

Hajcib roek minzcuz,

Va dujduj,

Caez doengz go gungh ngeiq;

Minzcuz doxgiet ndei,

Riengz dangj bae,

Gensez ndei guekcoj.

Gyaq giuz gvaq feizhaij,

Mbouj lau dai,

Doengzsim hai fouqloh;

Hajcib roek minzcuz,

Va dujduj,

Caez doengz go gungh ngeiq.

Bouxlawz miz hojnanh,

Daihgya bang,

Bya sang ram hix ndaej;

Minzcuz doxgiet ndei,

Riengz dangj bae,

Gensez ndei guekcoj.

Gensez ndei guekcoj,

Byaij fouqloh,

Bouxhoj mbouj caiq miz;

Dangj lingjdauj ndaej ndei,

Cingq bungz seiz,

Bouxboux caez bienq fouq.

Doenghbaez hoj lumj gaeng,

Daiq doeklaeng,

Mbouj miz ngaenz cawx noh;

Gensez ndei guekcoj,

Byaij fouqloh,

Bouxhoj mbouj caiq miz.

Cibbet Daih gvaqdaeuj,

Gak minzcuz,

Doxgiet guh engq ndei;

Dangj lingjdauj caen ndei,

Cingq bungz seiz,

Bouxboux caez bienqfouq.

Cibbet Daih gvaqdaeuj,

Bouxcuengh raeuz,

Aen laeuz gizgiz sang;

Minzcuz caez doxbang,

Ndongj baenz gang,

Doengz gyaranz beixnuengx.

Raeuz gak aen minzcuz,

Gonq daiq hoj,

Byaijloh mbouj ngiengxgyaeuj;

Cibbet Daih gvaqdaeuj,

Bouxcuengh raeuz,

Aen laeuz gizgiz sang.

（1）