Mboengqneix, Aen Cungsim Hag- dangz laeng Denhngoz Yen Nazciz Yangh guh hozdung “sim lwgnyez coh dangj, angqcoux Ngeihcib Daih Aendangj, ciengxlwenx riengz aendangj byaij”. Hozdung miz giyez simndei daeuj veivwn、byaujcangh doenghboux lwghag hagsib ndei、guh yizsiz bouxmoq haeuj sausenh- dui、youzyenz、vwnzyi biujyienj caeuq doxdax bengcag daengj. Doengh gij hozdung neix, langhbaij lauxsae lwghag aen hagdangz neix gaenxmaenx baenaj, miz aendangj dazyinx, gyoengq lwgnyez seizdaih moq ndaej majhung baenzndei、gyaepgouz loqsiengj.

（Yungz Liswh/熊利思）