Mboengqneix, Swcigih Yinzda Cangzveijvei fucujyin daiq diuyenzcuj daengz Nanzningz Si cienmonz diuyenz cingzgvang hong minzcuz hawsingz.

Diuyenzcuj gonqlaeng daengz Nanzningz Si Yinzminz Genjcazyen dangciengz diuyenz gij cingzgvang cauhlaeb minzcuz doxgiet cinbu haeuj gihgvanh si yinzminz genjcazyen, daengz Gyanghnanz Gih Wgyauzsih Segih dangciengz diuyenz gij cingz- gvang gihcwngz ceihleix hongsaeh minzcuz Gyanghnanz Gih Wgyauzsih Segih, daengz Nanzningz Si Aen Cawjdaez Yingjyen Cukmaenh Gij Eiqsik Caezcaemh Cunghvaz Minzcuz dangciengz diuyenz aen yingjyen neix baenzlawz guh senhconz gyauyuz.

Youq Hwngzcouh Si, Luz Yen- benj daengj vunz bae Hwngzcouh Si Minzcuz Cunghyoz、Gvangjsih Caz- ginhva Mizhanh Gunghswh、Hwngz- couh Si Yauyij Cin Danzcwngh Cunh, doenggvaq dangciengz yawj、dingq bauqlwnh, ciengzsaeq roxyiuj Hwngz- couh Si gvancez doeksaed gij gezcwz baijbouh mizgven guh ndei hong minzcuz hawsingz cunghyangh、sw- cigih. Doeklaeng, youq Nanzningz Si Yinzda Gihgvanh hai aen hoih naenghdamz cingzgvang hong minzcuz hawsingz.

Luz Yenbenj haengjdingh gij cingzcik Nanzningz Si guh hong minzcuz hawsingz aeundaej de. De giengzdiuh, aeu hag laeg rox lai gij swhsiengj youqgaenj mizgven gya- giengz caeuq gaijndei hong minzcuz Siz Ginbingz cungjsuhgi, baujmaenh cwngci fuengyiengq cinjdeng; aeu cinjdeng gaemdawz gij cingsaenz Aen Hoih Hong Minzcuz Cunghyangh、Aen Hoih Hong Minzcuz Daengx Gih, gvancez doeksaed ndei gij gezcwz baijbouh Dangjcunghyangh caeuq Swcigih Dangjveij, baujmaenh hong minzcuz hawsingz moegbiu mingzbeg、yinvu cingcuj; aeu guh ndei gij coz- yung daiqdaeuz guhyiengh Nanzningz Si youq ndaw hong minzcuz hawsingz, doidoengh hong minzcuz hawsingz daengx gih itloh gvancez diuz sienq- meh cukmaenh gij eiqsik caezcaemh Cunghvaz Minzcuz neix, mboujduenh byaij laeg byaij saeq byaij saed, saedyienh hwngfat youh ndei youh vaiq.

Diuyenzcuj lij diuyenz gij cingz- gvang hag yungh 《Gvangjsih Boux- cuengh Swcigih Yinzminz Daibyauj Davei Cangzvu Veijyenzvei Gij Giet- dingh Mizgven Doidoengh Hwnqguh Aen Gih Yienghndei Cukmaenh Gij Eiqsik Caezcaemh Cunghvaz Minz- cuz》 dem.

(Veiz Ginj)